"ჩვენი მთავრობის საზრუნავია რამდენად იქნება საქართველო აშშ-ს დღის წესრიგში"- თამარ კეკენაძე

პოლიტიკა - 18:23, 09 Nov, 2016

1458

„თავისუფალი დემოკრატების“ ლიდერი თამარ კეკენაძე აშში, „რესპუბლიკელი“ დონალდ ტრამპის გაპრეზიდენტებას "ნიუპოსტთან" საუბრისას აფასებს და აღნიშნავს, რომ საქართველოს მთავრი გამოწვევაა თეთრი სახლის ახალი ადმინისტრაციის პირობებში რამდენად მოახერხებს ჩვენი მთავრობა საქართელო მოხვდეს აშშ-ის დღის წესრიგში.

„პირველ რიგში, მინდა აშშ-ს მოსახლეობას მივულოცო ახალი პრეზიდენტის არჩევა. ეს იქნება გამოწვევა საქართველოსთვის და ამერიკის ურთიერთობისთვის, მიუხედავად იმისა, თუ ვინ არის აშშ-ს პრეზიდენტი ჩვენი ურთიერთობა უკვე ისტორიულ ნიშნულებს ითვლის. რეალურად, აშშ არის საქართველოს სტრატეგიული პარტნიორი ამიტომ ამ კუთხით რაიმე დრამატულს არ ველოდები თუმცა, რამდენად მოახერხებს ჩვენი ხელისუფლება, რომ საქართველო იყოს აშშ-ს დღის წესრიგში ეს უნდა იყოს ჩვენი მთავარი საზრუნავი. განსაკუთრებით, როდესაც ვსაუბრობთ ისეთ მნიშვნელოვან საკითხებზე როგორიც არის ქვეყნის ტერიტორიული მთლიანობა, თავდაცვისუნარიანობის გაძლიერება და რაც მთვარია ევროატლანტიკური ინტეგრაციის კუთხით აშშ-ს კიდევ უფრო მეტი ჩართულობა“- განაცხადა კეკენაძემ.