ახლა არის დრო, რომ ჩვენ განვაახლოთ აქტიური კონტაქტები აშშ-ს „რესპუბლიკურ პარტიასთან“- ანა დოლიძე

პოლიტიკა - 18:13, 09 Nov, 2016

2634

საქართველოს პრეზიდენტის ადმინისტრაციაში აშშ-ს საპრეზიდენტო არჩევნებში დონალდ ტრამპის გამარჯვება კიდევ ერთხელ შეაფასეს.

პრეზიდენტ მარგველაშვილის საპარლამენტო მდივნის შეფასებით, ახლა საჭიროა კავშირების გაღრმავება შეერთებული შტატების „რესპუბლიკურ პარტიასთან“ და ორი ქვეყნის პრეზიდენტებს შორის.

"ჩვენთვის, რა თქმა უნდა, ძალიან დიდი მოვლენა არის ის, რომ ამერიკის შეერთებულ შტატებში არჩეული არის ახალი პრეზიდენტი, თუმცა უნდა გავითვალისწინოთ, რომ გვაქვს 20 წელზე მეტი ხნის განმავლობაში სტაბილური, ძალიან მჭიდრო ურთიერთობა ამერიკის შეერთებულ შტატებთან, მათ შორის იმ დროს, როდესაც იქ იყვნენ „რესპუბლიკელი“ პრეზიდენტები. ჩვენი ურთიერთობა ზუსტადაც რომ საკმაოდ ახლო და სტრატეგიულ დონეზე გადავიდა, როდესაც იყო იქ „რესპუბლიკელი“ პრეზიდენტები, მათ შორის ჯორჯ ბუში უმცროსი. შესაბამისად, ახლა არის დრო, რომ ჩვენ განვაახლოთ აქტიური კონტაქტები „რესპუბლიკურ პარტიასთან“, კონგრესთან, ეს კონტაქტები და კავშირები ჩამოყალიბებულია და ახალ ეტაპზე გადავიყვანოთ კონტაქტები ჩვენს პრეზიდენტსა და ამერიკის პრეზიდენტს შორის“- განაცხადა ანა დოლიძემ.