ხარვეზები და კანონმდებლობა - ევროპარლამენტარები საქართველოში ჩატარებულ არჩევნებს აფასებენ

პოლიტიკა - 11:10, 09 Nov, 2016

1224

საქართველში ჩატარებულ საპარლამენტო არჩევნებზე ევროპარლამენტის საგარეო კომიტეტში ისაუბრეს. ევროპარლამენტარების მოსაზრებით, სასურველი იქნება საპარლამენტო არჩევნების დროს გამოვლენილი ხარვეზები გამოსწორდეს და დაიხვეწოს საარჩევნო კანონმდებლობა. დეპუტატები მთავარ გამოწვევად ერთპარტიულ მმართველობას ასახელებენ, თუმცა აცხადებენ, რომ ეს დემოკრატიული პროცესის ნორმალური ნაწილია.

სადამკვირვებლო მისიის ხელმძღვანელმა ანა გომესმა, კოლეგებს ის მოხსენება გააცნო, რომელიც სადამკვირვებლო მისიამ არჩევნების მეორე ტურის შემდეგ გაასაჯაროვა. გომესის თქმით, კონსიტუტციური უმრავლესობის პირობებში მმართველ გუნდს ეკისრება პასუხისმგებლობა, რომ გადაწყვეტილებები იყოს გამჭივრალე, დემორაკტიული და კონსესუსის გზით მიღებული. ასევე აუცილებელია არჩევნების შემდეგ გარანტირებული იყოს მედიისა და სასამართლოს დამოუკიდებლობა.

"მმართველმა პარტიამ საკონსტიტუციო უმრავლესობა მოიპოვა, რაც დიდ პასუხისმგებლობას აკისრებს იმასთან დაკავშირებით, რომ შექმნილი ვითარება არ იქნება გამოყენებული პოლიტიკური შურისძიებისა და მედიის შევიწროვებისთვის. დემოკრატია არ არსებობს თავისუფალი მედიისა და თავისუფალი სასამართლოს გარეშე. ჩვენ ვიცით, რომ ამ საკითხებთან დაკავშირებით არსებობს პრობლემები, კერძოდ კი სასამართლოსთან დაკავშირებით, რასაც არჩევნებეც ზეგავლენა ჰქონდა. საქართველოში ჩატარებული არჩევნების შემდეგ პოლიტიკური სპექტრის შევიწროვება მოხდა,"-აცხადებს ანა გომესი.

ევროპარლამენტარები არჩევნებში გამარჯვებულ პოლიტიკურ პარტიებთან თანამშრომლობისთვის მზადყოფნას გამოთქვამენ და მიიჩნევენ, რომ არჩევნების შედეგად გამოვლენილ პრობლემებზე საქართველომ ევროკავშირთან ერთად უნდა იმუშაოს.