თბილისში ქართულ-რუსული ბიზნესფორუმი იმართება, საქართველოში შესაძლოა ახალი რუსული ინვესტიციები ჩაიდოს. რუსი ბიზნესმენები ძირითადად ინფრასტრუქტურის, ენერგეტიკისა და სამშენებლო მიმართულებით გეგმავენ ინვესტიციების ჩადებას.

„ჩვენი კომპანია ენერგეტიკის კაბელებისა და წყლის მიმართულებით მუშაობს. ჩვენ გვყავს პარტნიორი კომპანია ქობულეთშიც. დღეს კი ჩვენი ჩამოსვლის მთავარი მიზანი ახალი პარტნიორების მოზიდვაა. პარასკევამდე არა ერთი შეხვედრაა დაგეგმილი. როგორც ჩემთვის არის ცნობილი, ჩვენ ხვალ ენერგეტიკის მინისტრის მოადგილესაც შევხდებით,“ - განაცხადა კომპანია როსას წარმომადგენელმა მარინა ჩეკალინამ.

ბიზნესფორუმი საქართველოში უნივერს ბიზნეს ჯგუფის ორგანიზებითა და საქართველოს დამსაქმებელთა ასოციაციის პარტნიორობით ტარდება. 8 რუსული კომპანიის წარმომადგენლები საქართველოში 5 დღეს დარჩებიან.