ოზურგეთის მუნიციპალიტეტის სოფელ ლიხაურში სამი მოსწავლე მოიწამლა. ლიხაურის საჯარო სკოლიდან, სამი მეხუთე კლასელი მოსწავლე ინტოქსიკაციის ნიშნებით ოზურგეთის სამედიცინო ცენტრში რამდენიმე წუთის წინ გადაიყვანეს.

მოწამვლის სავარაუდო მიზეზად, სკოლის ბუფეტში ნაყიდ ფუნთუშებს ასახელებენ. როგორც ბავშვები ყვებიან, მათ თავი ცუდად ფუნთუშის ჭამის შემდეგ იგრძნეს.

სამედიცინო ცენტრ "მედალფაში" აცხადებენ, რომ ამ დროისათვის ბავშვების ჯანმრთელობის მდგომარეობა სტაბილურია და ისინი სამედიცინო დაკვირვების ქვეშ იმყოფებიან.

თეა იოსელიანი-გურია