მამუკა კაციტაძე პაატა ბურჭულაძის გაერთიანებას ტოვებს

პოლიტიკა - 12:24, 08 Nov, 2016

2141

“საარჩევნო ბლოკი ინსტრუმენტია არჩევნებისთვის, დღეს ამის საჭიროებას ვეღარ ვხედავ”, – ამის შესახებ „კვირას“ პრესკლუბში გამართულ პრესკონფერენციაზე “ახალი მემარჯვენეების” ერთ-ერთმა ლიდერმა, მამუკა კაციტაძემ განაცხადა.

კაციტაძე დღეს უკვე აღნიშნავს, რომ ბლოკმა მათი მოლოდინი ვერ გაამართლა. ცნობისათვის, პაატა ბურჭულაძის ბლოკი ორი სუბიექტისგან შედგებოდა - გიორგი ვაშაძის ახალი საქართველო და პაატა ბურჭულაძე-სახელმწიფო ხალხისთვის. ახალმა მემარჯვენეება ბლოკის სუბიექტის დატოვებაზე განაცხადა ცესკო-ში არჩევნებამდე ერთი კვირით ადრე შეიტანეს და ისინი მხოლოდ საარჩევნო სიაში იყვნენ წარმოდგენილი.

„ბლოკი შეიქმნა დაგვიანებით და უნდა აღინიშნოს, რომ ის მოლოდინი, რაც გვქონდა, ვერ გამართლდა. საერთოდ, ბლოკი იქმნება საარჩევნოდ. ჩატარდა არჩევნები, ჩატარდა მეორე ტურიც, მე არჩევნების შემდეგ პირველ ბრიფინგს ვატარებ დღეს. დღეს ჩვენ ბლოკში ყოფნის აუცილებლობას ვეღარ ვხედავ, თუმცა ეს იმას არ ნიშნავს, რომ ბლოკში შემავალ პარტიებთან ურთიერთობას ვწყვეტთ. „ახალი მემარჯვენეებისთვის“ პოლიტიკური ცხოვრება გრძელდება ძველსა და ახალ პარტნიორებთან ერთად“, – განაცხადა „ახალი მემარჯვენეების“ ერთ-ერთმა ლიდერმა, მამუკა კაციტაძემ „კვირას“ პრესკლუბში გამართულ პრესკონფერენციაზე.