ლარის კურსის ცვლილება არ არის იმ შინაარსისა და იმ ხასიათის, რომელსაც შესაძლოა ტარიფზე გავლენა ჰქონდეს - ასე აფასებს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე ირინა მილორავა ლარის დევალვაციის საკითხს.

მილორავას განცხადებით, ახალი სატარიფო მეთოდოლოგიით გათვალისწინებულია ტარიფების დადგენა ერთი წლით, რაც იმას ნიშნავს, რომ ტარიფების გადახედვა ყოველწლიურად ხდება:

,,რაც შეეხება ტარიფების ცვლილებას, რა თქმა უნდა, ტარიფთან დაკავშირებით პროგნოზის გაკეთება შეუძლებელია, ვიდრე ჩვენ ბოლომდე დეტალურად არ ვნახავთ ინფორმაციას, მაგრამ კურსის ცვლილებას აქვს თუ არა, ან შეიძლება თუ არა მას გავლენა ჰქონდეს ტარიფზე, ეს არ არის იმ შინარსისა და იმ ხასიათის ცვლილება, რომელსაც შესაძლებელია ტარიფზე გავლენა ჰქონდეს”, - განაცხადა მილორავამ.