მერია 14 მილიონი ლარის შიდა კორექტირებას ითხოვს - ოპოზიცია "ოცნებას" საბიუჯეტო სახსრების გახარჯვაში ადანაშაულებს

პოლიტიკა - 10:08, 08 Nov, 2016

1429

დღეს საკრებულოში თბილისის 2016 წლის ბიუჯეტში ცვლილებების შეტანის შესახებ იმსჯელებენ. დედაქალაქის მერია 14 მილიონი ლარის შიდა კორექტირებას ითხოვს, რასაც ოპოზიცია აკრიტიკებს.

მათი თქმით ხელისუფლებამ საბიუჯეტო სახსრები წინასაარჩევნოდ გადახარჯა და ახლა სოციალური პროექტების შემცირების ხარჯზე ცდილობს მის დაკორექტირებას.

„სამწუხაროდ, მცირდება ავარიული შენობა-ნაგებობისთვის, კომუნალური ვაუჩერის სუბსიდირებისთვის გამოყოფილი თანხები და ამ ზამთრის პერიოდში მათ შორის, სოციალურად დაუცველებსაც კი უმცირდებათ ვაუჩერის ოდენობა და ძალიან ბევრი მიმართულებით არის შენიშვნები. ბიუჯეტის გადახარჯვა გამოწვეული იყო წინასაარჩევნო მიზნებისთვის, ქართული ოცნების მიერ საბიუჯეტო სახსრების ბოროტად გამოყენებით,“ - აცხადებს ირაკლი აბესაძე.

ენმ-ს ერთ-ერთი ლიდერის ბრალდებას ბრალდებებს თბილისის საკრებულოს ქონების მართვისა და საფინანსო-საბიუჯეტო კომისიის თავმჯდომარემ ჯაბა სამუშიამ უპასუხა.

„ბიუჯეტის ზოგადი პარამეტრები იგივე რჩება, უბრალოდ ხდება შიდა კორექტირება, ეკონომიებიდან გამომდინარე. 14 მილიონიდან კონკრეტულად ვაუჩერის ცვლილებას ეხება მხოლოდ და მხოლოდ ნახევარი მილიონი, ეს არის ეკონომიებიდან დარჩენილი თანხა. ამიტომ, ჩემმა ოპონენტებმა უფრო დაწვრილებით უნდა ჩაიხედონ დოკუმენტში,“ - განაცხადა