"მორჩილების ნიშნით შერჩეული ადამიანები"- არასაპარლამენტო ოპოზიცია საპარლამენტო თანამდებობების განაწილების საკითხზე

პოლიტიკა - 13:43, 07 Nov, 2016

1669

მმართველი გუნდის მიერ საპარლამეტო თანამდებობების განაწილების საკითხს არასაპარლამენტო ოპოზიციის წევრები ეხმაურებიან. მათი თქმით, პარლამენტში ადამიანები თავისი პოლიტიკური დამსახურების გამო არ მოხვედრილან და შესაბამისად ისინი მორჩილების ნიშნით იქნენ შერჩეულნი:

ახალი მემარჯვენეები წარმომადგენელი მანანა ნაჭყებია აღნიშნავს, რომ იმ ადამიანენისთვის ვისაც არანაირი წვლილი არ შეუტანია ქართულ პოლიტიკაში და დეპუტატის მანდატი მიიღეს ეს მათი პირადი და მათი ოჯახების წარმატებაა და არა ქართული პოლიტიკის:

„შესაძლოა, ვინც პარლამენტში მოხვდა ძალიან დიდი წარმატებაა იმ ადამიანებისთვის და მათი ოჯახებისთვის, მათ დიდი წვლილი ქართულ პოლიტიკაში არ შეუტანიათ, არ მოუპოვებიათ ეს ადგილები პოლიტიკაში და თავისავე პარტიაში ყოფნით“- განაცხადა მანანა ნაჭყებიამ.

მორჩილებით ნიშნით შერჩევაზე საუბრობს „ეროვნული ფორუმის“ წევრი ანი მიროტაძეც, მისი თქმით, ამ შემთხვევაშ სახელებს და გვარებს მნიშვნელობა არ აქვს:

„თუ ეს ადამიანები შერჩეულები არიან მორჩილების ნიშნით, სახლეებს და გვარებს მნიშვნელობა არ აქვს. სხვა შემთხვევში იმაზე იქნება დამოკიდებული რამდენად კომპეტენტურები არიან, რამდენად აქვთ მაღალი პროფესიული უნარ ჩვევები“- განაცხადა ანი მიროტაძემ

პოლიტიკური პარტია „თავისუფალი საქართველოს“ ლიდერის კახა კუკავას შეფასებით ქართულ ოცნებაშ პროფესიონალებიც და არაპროფესიონალებიც ერთ ფასეულობას წარმოადგენენ, რადგან გადაწყვეტილების მიღება არა პარლამენტში, არამედ სოლოლაკში ხდება, იმ ადამიანების მიერ ვისაც არჩევნებში მონაწილეობა არ მიუღიათ:

„ბევრი კანდიდატურაა, რომელსაც მე ვფიქრობ რომ პერსონლურად ძალიან ნორმალურია, მაგრამ ქართულ ოცნებას აქვს სხვა პრობლემა, მის შემადგენლობაშ პროფესიონალები და არაპროფესიონალები ერთი და იგივე ფასეულობას წარმოადგენენ, იმიტომ რომ გადაწყვეტილებები მიიღება არა პარლამენტში, არამედ სოლოლაკში, იმ ადამიანების მიერ, რომლებიც ქართველი ხალხის არჩეულები არ არიან“- განაცხადა კახა კუკავამ.