“საჭიროა ღია დისკუსია და არა უერთგულესი მხარდამჭერების "პარტიის მტრებად“ შერაცხვა“

“საჭიროა ღია დისკუსია და არა უერთგულესი მხარდამჭერების "პარტიის მტრებად“ შერაცხვა“ - თაქთაქიშვილის მორიგი განცხადება

პოლიტიკა - 13:14, 05 Nov, 2016

2440

თბილისის ყოფილი მერის გიგი უგულავას ღია წერილმამის თანაგუნდელებში აზრთა სხვადასხვაობა გამოიწვია. უგულავა გამოთქვამს აზრს, რომ საქართველოს მესამე პრეზიდენტმა, მიხეილ სააკაშვილმა უარი უნდა თქვას ერთიანი ნაციონალური მოძრაობის თავმჯდომარის თანამდებობაზე. მის წერილს თავად სააკაშვილიც გამოეხმაურა და არნიშნა, რომ მსგავის საკიტხები პოლიტსაბჭოზე უნდა უქნეს მიღებული.

გუშინ, საღამოს პარტიის პოლიტსაბჭოს სხდომა გაიმართა. დღეს კი ყოველივეს ენმ-ს წევრი ჩიორა თაქთაქიშვილი სიციალურ ქსელში ეხმაურება:

„დიახ, ყველა გაგვაღიაზიანა და გაგვანერვიულა მარცხმა და ამას ძალიან უსიამოვნო კამათი და პარტიის ლიდერების დადანაშაულება მოყვა. ამას ხელი ფეისბუქის სპეციფიკამაც შეუწყო, სადაც მოზღვავებულ და დიდი ხნის განმავლობაში შეკავებულ ემოციებს თუ მოსაზრებებს მყისიერად შეიძლება მიეცეს უკონტროლო გასაქანი. ეს სრულიად ნორმალურია და მე შემიძლია ამის გაგება. ჩვენი ვალდებულებაა არ გავღიზიანდეთ და რაციონალურობა ლიდერებმა კიდევ უფრო მეტად შევინარჩუნოთ, ვიდრე რიგითმა მხარდამჭერებმა. ასევე ვფიქრობ, რომ ეს პარტია დიახაც, მხარდამჭერებისაა და არა რომელიმე ერთი ლიდერის ან ყველა ლიდერის ერთად, რადგან ლიდერები მიდიან და მოდიან, დღეს გაბრაზებული მხარდამჭერები კი ისევ ისე დაიცავენ ენმ-ს თითოეულ ლიდერს და პარტიის ღირებულებებს 2020-ში, როგორც 2003-ში, 2012-ში ან 2016-ში იცავდნენ და ამიტომ თითოეულ მათგანს უნდა გავუფრთხილდეთ.

მოდი, დრო მივცეთ ყველას, მათ შორის ჩვენს თავსაც, მხარდამჭერებსაც, რომ მწვავე ემოციები განელდეს და დიახ, სწორედ ამ ადამიანებთან ერთად ვკითხოთ ჩვენს თავს, რა ვერ გავაკეთეთ ისე, როგორც საჭირო იყო და რა არ უნდა გაგვეკეთებინა უკეთესი შედეგის მისაღწევად? რატომ დარჩათ ამ ადამიანებს შთაბეჭდილება, რომ პარტიაში ვიღაც გაიყიდა ან თბილი სავარძელი მოუნდა და რა უნდა გავაკეთოთ იმისთვის, რომ ასეთი შთაბეჭდილება სხვა დროს არ დავტოვოთ?

ვფიქრობ, საჭიროა მცირე დრო ჩვენთვისაც და მხარდამჭერებისთვისაც ემოციების დასაცხრომად, საჭიროა ღია დისკუსიის დაწყება პრობლემურ კითხვებზე და არა გაბრაზებულზე პოლიტსაბჭოს მიერ ჩვენი უერთგულესი მხარდამჭერების "დაგმობა", "გაკიცხვა" და "პარტიის მტრებად“ ჯგუფურად შერაცხვა იმ მიზეზის გამო, რომ მათ პარტიის ლიდერები ფეისბუქზე გალანძღეს (თუნდაც უსამართლოდ, სრულიად მიუღებელი ფორმით, უცენზურო სიტყვების გამოყენებით ან უსაფუძვლო არგუმენტებით). მხარდამჭერისგან იმის გამო გამიჯვნა, რომ საჯაროდ დაადანაშაულეს და პასუხისმგებლობა მარცხზე პარტიის ლიდერებს დააკისრეს, არის უბრალოდ "აზრის ცენზურა", ბოლშევიზმი ან ბანალური ძველბიჭური გარჩევა თვალებში ჩახედვით: „რა თქვი, ბიჭოოოო!“-ს სტილში. და ამას არაფერი აქვს საერთო არც დემოკრატიასთან, არც ევროპულობასთან და არც საჯარო პოლიტიკის არსთან. რომელ ევროპულ დემოკრატიაში წარმოგვიდგენია მნიშვნელოვანი საარჩევნო მარცხის შემდეგ პარტიის პოლიტსაბჭო შეიკრიბოს და პირველი საჯარო განცხადება გაავრცელოს თავისი მხარდამჭერების დასაგმობად, ლიდერებს რატომ გვილანძღავთო?!

წინასწარ გავაფრთხილე კოლეგები პოლიტსაბჭოს სხდომაზე, რომ მხარდამჭერებთან დავაფიქსირებდი ჩემს პოზიციას ამ თემაზე. ზოგადად მირჩევნია სენსიტიურ პარტიულ გადაწყვეტილებაზე ჩემი პარტიის მხარდამჭერებს ფეისბუქით არ მოგმართავდეთ ხოლმე, მაგრამ იძულებული ვარ. სამწუხაროდ, პარტიაში დღემდე ვერ შევქმენით ჩვენს მხარდამჭერებთან კომუნიკაციის სხვა ელექტრონული პლატფორმა, თუმცა ეს ერთ-ერთი პირველი ამოცანა უნდა იყოს სამომავლოდ“, - წერს ჩიორა თაქთაქიშვილი.