საქართველოს სახელმწიფო მინისტრი ევროატლანტიკურ სტრუქტურებში ინტეგრაციის საკითხებში დავით ბაქრაძე გრიგორი კარასინის განცხადებას ეხმაურება. ბაქარძე აცხადებს, რომ საქართველოს პრაგმატული პოლიტიკის გზა აქვს არჩეული და გარკვეული საკითხების გადაწყვეტამდე, რუსეთთან არავითარი დიპლომატიური ურთიერთობების აღდგენაზე საუბარი არ იქნება:

„ძალიან მკაფიო საქართველოს მთავრობის პოლიტიკა, საქართველოს ტერიტორიული მთლიანობის, რომელიც დარღვეულია სწორედ რუსეთის ძალისხმევით და სუვერენიტეტის საკითხებთან დაკავშირებით, მსგავსი საკითხების გადაწყვეტის გარეშე, რაიმე სახის დიპლომატიური ურთიერთობებზე რა საკვირველია საუბარი არ იქნება. სწორედ რომ იყო საქართველოს მთავრობის პოლიტიკა არ იყო კონფროტაციული. უფრო მეტიც, ეს იყო მეტად პრაგმატული და მიმართული დეესკალაციისკენ, იყო ერთადერთი სწორი პოლიტიკა, ჩვენ ამ თვალსაზრისით და ამ საკითხთან მიმართებით სწორედ მივიღეთ ძალიან მაღალი შეფასებები ჩვენი ევროპელი კოლეგების მხრიდან“, - განაცხადა დავით ბაქრაძემ.

მთავრობის წევრებმა ასე რუსეთის საგარეო საქმეთა მინისტრის მოადგილის განცხადებას უპასუხეს. გრიგორი კარასინმა „რია ნოვოსტისთან“ საუბრისას განაცხადა, რომ საქართველო რუსეთთან დიპლომატიური ურთიერთობის აღდგენისთვის მზად არ არის. ამის მთავარი დამაბრკოლებელი კი კონფროტაციული რიტორიკაა, რომელიც ოფიციალური თბილისის მხრიდან პერიოდულად ისმის. კარასინის თქმით მოსკოვი თბილისთან უვიზო რეჟიმის შექმნას არ გამორიცხავს.