პრეზიდენტი ქართული დიპლომატიის დღესთან დაკავშირებულ სადღესასწაულო მიღებას დაესწრო

პოლიტიკა - 23:58, 04 Nov, 2016

1575

საქართველოს პრეზიდენტმა გიორგი მარგველაშვილმა ქართული დიპლომატიის დღესთან დაკავშირებულ სადღესასწაულო ღონისძიებაში მიიღო მონაწილეობა, რომელიც თბილისის საკრებულოში საქართველოს საგარეო საქმეთა სამინისტროს ორგანიზებით გაიმართა.

გიორგი მარგველაშვილი საზეიმო მიღებას პრემიერთან, პარლამენტის თავმჯდომარესთან და კათოლიკოს პატრიარქთან ერთად დაესწრო.

„მსურს დღევანდელი დღე მივულოცო ასობით და ათასობით ადამიანს, რომლებიც ჩვენი ქვეყნის სიძლიერეს და ხვალინდელ დღეს ემსახურებიან.

ჩვენ ვართ ქვეყანა, რომელმაც 25 წლის წინ აღიდგინა დამოუკიდებლობა და ფაქტობრივად, მყისიერადვე დაირღვა ჩვენი ტერიტორიული მთლიანობა. ამ ვითარებაში, როდესაც სახელმწიფოებრიობა ჯერ კიდევ იწყებდა განმტკიცებას, ქართველი დიპლომატები თავიანთი საქმიანობით, როგორც ქვეყნის შიგნით, ასევე მის ფარგლებს გარეთ, ამტკიცებდნენ ამ ქვეყნის იმიჯს, რომელიც რეალურად აერთიანებს ევროპასა და აზიას და შესაძლებლობას ქმნის უმნიშვნელოვანესი თანამშრომლობისათვის”, - განაცხადა საქართველოს პრეზიდენტმა სიტყვით გამოსვლისას.

ქართული დიპლომატიის დღისადმი მიძღვნილ ღონისძიებას საქართველოს აღმასრულებელი და საკანონმდებლო ხელისუფლების წარმომადგენლები, საქართველოში აკრედიტებული დიპლომატიური კორპუსის ხელმძღვანელები, საგარეო საქმეთა სამინისტროს წარმომადგენლები დაესწრნენ.