ხმაური და ფიზიკური დაპირისპირება თამარ მეფის გამზირზე

ხმაური და ფიზიკური დაპირისპირება თამარ მეფის გამზირზე - ვიდეო

პოლიტიკა - 19:45, 04 Nov, 2016

24341

თბილისში თამარ მეფის გამზირზე მიმდინარე აქციაზე დაპირისპირება მოხდა. ზვარელი მუშების მხარდამჭერი აქცია-მსვლელობაში მონაწილეებსა და საპატრულო პოლიციას შორის ურთიერთობა დაიძაბა მას შემდეგ დაიძაბა, რაც მოქალაქეებმა გზის სავალი ნაწილის გადაკეტვა სცადა, სამართალდამცავებმა კი მათი დაკავება სცადა.
“ნაჯახით ნაცემი მუშები-ყველანი ქუჩაში”- ამ სახელწოდებით დღეს ზვარეში მუშების ცემის ფაქტს აქცია-მსვლელობით გააპროტესტებენ. აქციაში მონაწილეობას რამდენიმე ორგანიზაცია მიიღებს. ესენია: თბილისის სოლიდარობის ქსელი, რკინიგზელთა ახალი პროფკავშირი, პროფესიულ რკინიგზელთა კლუბი, ადამიანის უფლებების სწავლებისა და მონიტორინგის ცენტრი – (EMC), European.ge, საქართველოს მედიის პროფკავშირი, თეთრი ხმაურის მოძრაობა, სახელოსნო Praxis, ირიბი მოქმედების კიბერთეატრი, მწვანე მუშტი, აუდიტორია #115 და ახალგაზრდა მწვანეები.აქციის მონაწილეები შსს-სგან ინციდენტისთვის შესაბამისი კვალიფიკაციის მინიჭებას და ჩინური კომპანიის ადგილობრივი მენეჯმენტის პასუხისმგებლობის საკითხის დაყენებას მოითხოვენ. მათ თქმით, მომხდარზე პასუხისმგებლობა უნდა აიღოს "საქართველოს რკინიგზამაც".აქციის მონაწილეთა ერთ-ერთი მთავარი მოთხოვნა ასევე სახელმწიფოს მიერ შრომის პოლიტიკის გადახედვა და ქმედითი შრომის ინსპექციის შექმნის დაჩქარება იქნება.

ჩხუბის ამსახველ ვიდეომასალას საზოგადოებრივი მაუწყებლის გადაცემა "რეალური სივრცე"ავრცელებს