შს მინისტრის მოადგილე ზვარეში მომხდარი დანაშაულისთვის კვალიფიკაციის კიდევ ერთხელ შეცვლას არ გამორიცხავს. შალვა ხუციშვილის თქმით, გამოძიება მიმდინარეობს და გარკვეული საგამოძიებო მოქმედებები კიდევ უნდა განხორციელდეს.

"დაკავებული არის რამდენიმე პირი ამ საკითხზე, თუ არ ვცდები, ჩინეთის მოქალაქეები. ცემის მუხლით იყო, მაგრამ შემდგომში მოხდა გადაკვალიფიცირება ჯამრთელობის დაზიანების მუხლით. თუმცა, იმის გამო, რომ გამოძიება მიმდინარეობს და გარკვეული საგამოძიებო მოქმედებები კიდევ უნდა განხორციელდეს, შეიძლება რაღაცა შეიცვალოს. მაგრამ, ამ ეტაპზე მთავარი არის, რომ კონკრეტული პირები არის დაკავებული,“ - განაცხადა შალვა ხუციშვილმა.