"არმატურით ნაცემია ერთ-ერთი დაშავებულის დაც"- ზვარეში აქციები იწყება

შემთხვევა - 10:14, 04 Nov, 2016

6781

ხარაგაულის სოფელ ზვარეში საქართველოს რკინიგზის კონტრაქტორ ჩინურ კომპანიაში დასაქმებული მუშები და ადგილობრივები დღეს აქციის გამართვას გეგმავენ.

„ჩინური რკინიგზის 23-ე ბიუროს” ქართველი თანამშრომლები მუშაობის გაგრძელებაზე უარს იქამდე ამბობენ ვიდრე კომპანის მენეჯმენტი არ შეიცვლება.

"არაფერი შეცვლილა, ჩვენზე ყველანაირად იწევენ ნაჯახით, ასე გამოდის რომ გვკვლავენ. სანამ კომპანიის მენეჯმენტი არ წავა მუშაობას არ გავაგრძელებთ" - აცხადებს ზურაბ კიკნაძე.

რკინიგზის ახალი პროფკავშირების წარმომადგენლის თენგიზ დვალიშვილის თქმით, არმატურით ნაცემია ერთ-ერთი დაშავებულის და, რომელიც სასადილოში მუშაობდა.

"ზურგში აქვს დაზიანება მიღებული, მისი ძმაც საავადმყოფოში იმყოფება"- თქვა მან.

მუშების პროტესტი ორი დღის წინ მომხდარ დაპირისპირებას მოყვა, რის შედეგადაც 7 ადამიანი დაშავდა. მათი თქმით, დაპირისპირება მას შემდეგ დაიწყო, რაც კომპანიის წარმომადგენლები ერთ-ერთ ადგილობრივს ტყეში მოჭრილი ხეების გამო ფიზიკურად გაუსწორდნენ.

ცნობისთვის, ზვარეში მომხდარ გაქტზე გამოძიება სხეულის განზრახ ნაკლებად მძიმე დაზიანების მუხლით მიმდინარეობს. სამართალდამცავებმა ჩინეთის სამი მოქალაქე გუშინ დააკავეს.