საქართველო რუსეთთან დიპლომატიური ურთიერთობის აღსადგენად მზად ისევ არ არის, ამის შესახებ განცხადება რუსულ მედიასთან რუსეთის საგარეო საქმეთა მინისტრის მოადგილემ გრიგორი კარასინმა გააკეთა.

მისი განცხადებით, რთულია რუსეთ-საქართველოს შორის არსებულ ურთიერთობებზე ცალსახა შეფასების გაკეთება

„ერთის მხრივ, ბოლო ოთხი წლის განმავლობაში მოხერხდა ურთიერთობის მნიშვნელოვნად გაუმჯობესება და იმ ჩიხიდან გამოსვლა, რომელშიც სააკაშვლის რეჟიმის დამსახურებით აღმოჩნდა. რუსეთი დაბრუნდა საქართველოს მნიშვნელოვან ეკონომიკურ პარტნიორთა რიგებში, მოწესრიგდა სატრანსპორტო ურთიერთობა, კიდევ უფრო ვითარდება ტრადიციული ჰუმანიტარული ურთიერთობა და კულტურული გაცვლა. მიღებულია ხელშესახები შედეგები, რომელიც ჩვენი ორი ქვეყნის მოქალაქეთა ინტერესებს პასუხობს.“- განაცხადა კარასინმა.

„მაგრამ ამავე დროს ქართული მხარე ძველებურად არაა მზად დიპლომატიური ურთიერთობა აღადგინოს რუსეთთან, რომელიც მან 2008 წლის სექტემბერში შეწყვიტა, ოფიციალური თბილისი რუსეთთან ურთიერთობაში დროდადრო კონფრონტაციულ რიტორიკაზე გადადის, რაც რბილად რომ ვთქვათ ზემოთ ჩამოთვლილ დადებით ტენდენციებზე პოზიტიურად არ იმოქმედებს. ამაზე ჩვენი რეგულარული დიალგის ფორმატშიმუდმივად ვლაპარაკობ საქართველოს პრემიერ-მინისტრის სპეცწარმომადგენელთან ზურაბ აბაშიძესთან “- აღნიშნა კარასინმა.

კარასინმა ასევე განაცხადა, რომ არსებულ ეტაპზე ორი ქვეყნის პრეზიდენტების - ვლადიმირ პუტინისა და გიორგი მარგველაშვილის შეხვედრა არ იგეგმება.