ხელისუფლებას მოუწევს ახსნა, საიდან მოდიოდა ინფორმაციები შეთქმულებაზე

ხელისუფლებას მოუწევს ახსნა, საიდან მოდიოდა ინფორმაციები შეთქმულებაზე - ნიკა გვარამია

პოლიტიკა - 15:25, 03 Nov, 2016

2916

ნიკა გვარამიას თქმით ხელისუფლებამ არეულობის და შეთქმულების მოწყობაზე საუბრით წინასაარჩევნოდ საზოგადოება და მედია ტერორში ამყოფა, ამჟამად კი ამაზე აღარ საუბრობს. გვარამიას განცხადებით ხელისუფლებას მოუწევს საზოგადოებას და საერთაშორისო თანამეგობრობას აუხსნას საიდან მოდიოდა ინფორმაციები შეთქმულებაზე, რას ემსახურებოდა ეს რიტორიკა და სადამდე მივიდა ამ საქმის გამოძიება. ამ თემაზე ნიკა გვარამიამ ინგა გრიგოლიას გადაცემაში, ტელეკომპანია „პირველის“ ეთერში ისაუბრა:

„არანაირი წინაპირობა არ ყოფილა იმ რიტორიკისთვის, რაც წინასაარჩევნოდ ქონდა ხელისუფლება არეულობის მოწყობასთან, ხელოვნურ გაყალბებასთან დაკავშირებით . შედეგებმა დაადასტურა, რომ ეს რიტორიკა და ისტერია მხოლოდ რიტორიკა და ისტერია და ხელისუფლების წინასაარჩევნო მეთოდოლოგია იყო, მაგრამ ხელისუფლების მხრიდან ამგვარი მეთოდოლოგიის გამოყენება არის მიუღებელი, ამით ის ტერორში აყოფებს თავის ამომრჩეველს და მედიებსაც. ყველაფერს რომ თავიდ დავანებო, ნიკა გვარამია არ არის „რუსთავი2“, ნიკა გვარამია არის დირექტორი , რ2 არის გაცილებით დიდი და მნისვნელოვანი ინსტიტუცია, აქ გადაწყვეტილებები არ მიიღება მხოლოდ ერთ თავში და ერთი ადმიანის მიერ, არამედ კოლექტიურად. არის გადაწყვეტილებები გაშუქებასთან და საინფორმაციო ველთან დაკავშირებით, რომლის მიღებაშიც მე საერთოდ არ ვიღებ მონაწილეობას.

დღეს არის იმის დრო, რომ ხელისუფლებამ ახსნას, რას ემსახურებოდა ეს ყველაფერი. საიდან მოვიდა ის ინფორმაციები, რომელზეც ისინი საუბრობდნენ, სადამდე მივიდა გამოძიება იმ საქმის რომელსაც ხელისუფლება შეთქმულებას უწოდებდა. ამის ახსნა ხელისუფლებას მოუწევს საერთაშორისო თანამეგობრობის წინაშე, რადგან ეს იყო მოსახლეობის ტერორი და მათ შორის რ2-ის ტერორიც.“- განაცხადა ნიკა გვარამიამ.