“დღევანდელი თეთრი სახლის განცხადება საჭირო არ იქნებოდა, 2008-2012-ში დასავლეთს რომ ზომები მიეღო“

პოლიტიკა - 13:35, 03 Nov, 2016

4075

საერთაშორისო დონეზე დემოკრატიულ არჩევნებში რუსეთის ჩარევასთან დაკავშირებით თეთრის სახლის მიერ გაკეთბულ განცხადებას ეხმაურება საქართველოს ყოფილი მაღალჩინოსანი დიმიტრი შაშკინი. მისი თქმით, დასავლეთს რომ 2008 წლიდან მოყოლებული შესაბამისი ზომები მიიეღო, დღეს საჭირო არ გახდებოდა თეთრი სახლის ასეთი რეაქცია და საქართველოც და უკრაინაც ომს თავიდან იაცილებდა.

,,თეთრმა სახლმა გუშინ რუსეთი ოფიციალურად დაადანაშაულა დემოკრატიულ არჩევნებში ჩარევაში მთელი მსოფლიოს მაშტაბით. ძალიან სამწუხაროა, რომ ეს განცხადება გაკეთდა მხოლოდ მაშინ, როდესაც ამერიკულმა პოლიტიკურმა ელიტამ ეს ჩარევა იგრძნო თავის თავზე. არა და პირველად რუსეთმა დემოკრატიული ინსტიტუტები თავისი ბოროტი მიზნებისთვის საქართველოში 2012 წლის არჩევნების დროს გამოიყენა და ხელისუფლებაში მოიყვანა პრორუსული ძალები… იგივე გაიმეორა 2016-შიც. ასევე, 2008 წელს პირველად უახლოვეს ისტორიაში დამოუკიდებელ სახელმწიფოს დაესხა თავს. 2008-ში და 2012-ში დასავლეთს რომ სწორი დასკვნები გამოეტანა და ზომები მიეღო, დღევანდელი თეთრი სახლის განცხადება საჭირო არ იქნებოდა, და არც უკრაინაში იქნებოდა ომი...“ - წერს შაშკინი.