საქართველოს განათლებისა და მეცნიერების მინისტრი ალექსანდრე ჯეჯელავა იმედოვნებს, რომ მომავალ მინისტრთა კაბინეტში იქნება, მისი განცხადებით იგი აღნიშნულში „თითქმის დარწმუნებულია“. ამის შესახებ მინისტრმა კომენტარი ჟურნალისტებისთვის მთავრობის სხდომის დასრულების შემდეგ გააკეთა:

„პრემიერის გადასაწყვეტია საბოლოოდ ვინ იქნება მთავრობაში. თითქმის დარწმუნებული ვარ, რომ მომავალ მინისტრთა კაბინეტში ვიქნები. დიახ, რა თქმა უნდა, შემოთავაზება რომ იყოს, დავთანხმდები და პრემიერი, თავის გუნდთან ერთად მუშაობს ამ თემაზე. დღევანდელ მთავრობაზე ამაზე საუბარი არ ყოფილა. მე ვიცი, რომ პრემიერი კონსულტაციებს მართავს,“ - აღნიშნა ჟურნალისტებთან ჯეჯელავამ.