საქართველოს რეგიონული განვითარებისა და ინფრასტრუქტურის მინისტრის მოადგილემ თენგიზ შერგელაშვილმა, ადგილობრივი ხელისუფლების წარმომადგენლებთან ერთად, ზესტაფონში ახლად აშენებული საბავშვო ბაღი დაათვალიერა, რომლის მშენებლობა რეგიონებში განსახორციელებელი პროექტების ფონდიდან დაფინანსდა.

2013-2016 წელს ქალაქ ზესტაფონში აშენდა 5 და სრული რეაბილიტაცია ჩაუტარდა 15 ბაგა-ბაღს.

ახლად აშენებული საბავშვო ბაღები მთლიანად აკმაყოფილებს თანამედროვე სტანდარტებს. რაც შეეხება რეაბილიტაციას, პროექტის ფარგლებში ამორტიზებული და მწყობრიდან გამოსული საბავშვო ბაღის შენობები გარემონტდა, მოეწყო სასადილო ოთახები, რეაბილიტაცია ჩაუტარდა სველ წერტილებს, თხუთმეტივე საბავშვო ბაღში დამონტაჟდა ცენტრალური გათბობის სისტემა. ზესტაფონის ბაგა-ბაღების მშენებლობასა და რეაბილიტაციაზე ჯამში 2 მილიონ 121 ათას 532 ლარი დაიხარჯა. შესრულებული სამუშაოების შედეგად, 2016 წლიდან თანამედროვე სტანდარტების შესაბამის საბავშვო ბაღებში ზესტაფონში მცხოვრები 2100-მდე აღსაზრდელი დადის. მაშინ როცა, 2012 წელს მუნიციპალურ ბაგა-ბაღებში მხოლოდ 900 ბავშვი დადიოდა.