რა მოხდა ვარძიაში - „ის რაც 800 წლის განმავლობაში მტერმა ვერ მოახერხა, გააკეთა შინაურმა“

სოც.მედია - 21:18, 02 Nov, 2016

27559

„აი ასე გამოიყურება დღეს მეფეთა-მეფე თამარის და დიდი გიორგი მესამის ფრესკა!“- წერს ხელოვნების სასახლის დირექტორი გიორგი კალანდია და სოციალურ ქსელში გამოქვეყნებული პოსტით ვარძიაში გაჩენილ ხანძარს ეხმაურება.

ხანძარი სამონასტრო კომპლექსის ღვთისმშობლის სახელობის მოქმედ ტაძარში, გუშინ ღამით გაჩნდა. მიზეზი სავარაუდოდ ხის მაგიდაზე დარჩენილი ანთებული სანთელია. პირველადი დათვალიერების შემდეგ დადგინდა, რომ უნიკალური ფრესკების დიდი ნაწილი გაჭვარტლულია. ყველაზე მეტად კი, თამარ მეფის ფრესკა დაზიანდა.

გიორგი კალანდია: „ის რაც 800 წლის განმავლობაში ვერ მოახერხა ვერცერთმა მტერმა და მომხდურმა- ის გააკეთა შინაურმა, ოღონდ უფრო საშიშმა და სამარცხვინომ, რადგან ეს შინაური არის ბნელი და გაუნათლებელი! იმედი მაქვს ეს იქნება კარგი გაკვეთილი მათთვის ვისაც გონია რომ საეკლესიო საგანძური მუზეუმებიდან უნდა გამოვიტანოთ, რომ ხატი თავის თავს დაიცავს, რომ მრვალსაუკუნოვანი ფრესკებისთვის სანთლის ჭვარტლი არაფერია. მორჩა და დასრულდა! იმისათვის რომ ჭკუა გვესწავლა საფრთხის ქვეშ თამარის ფრესკა დავაყენეთ! იმედია ჭკუას ახლა მაინც ვისწავლით! ვინც ამ თემაზე კამათს დამიწყებს ან ამ ფაქტის გამართლებას ეცდება, ჩემი მეგობრებიდან ვშლი. 21 საუკუნეა და ამიტომ უნდა გავიგოთ რომ კულტურული მემკვიდრეობის ძეგლებს უნდა განაგებდეს სახელმწიფო და არა ეკლესია!“