წინააღმდეგობის მოძრაობა - ,,ლეიბორისტები“ ოპოზიციასთან კონსულტაციებს იწყებენ

პოლიტიკა - 15:52, 02 Nov, 2016

1463

„ლეიბორისტული პარტიის“ ლიდერის მოწოდებას რამდენიმე ოპოზიციური პარტია უერთდება, ე.წ. წინააღმდეგობის მოძრაობის დასაწყებად კონსულტაციები მიმდინარეობს. პოლიტიკოსები ხელისუფლებას არჩევნების გაყალბებაში ადანაშაულებენ და მეცხრე მოწვევის პარლამენტის ლეგიტიმურობას ეჭვქვეშ აყენებენ. შალვა ნათელაშვილს დღეს პაატა დავითაია და ზურაბ ხარატიშვილი შეხვდნენ.

„პრაქტიკულად ამ დანაშაულებრივმა, გაყალბებულმა არჩევნებმა დაასრულა საქართველოში პოლიტიკა, ქართულ პოლიტიკაში ყველა ყაჩაღი შევიდა პოლიტიკოსების გარდა. ჩვენ უნდა დავაბრუნოთ პოლიტიკოსები პოლიტიკაში და მათ ავაღებინოთ პასუხისმგებლობა ქვეყნის ორიენტაციის საკითხზე, რეფორმაზე თუ ეკონომიკის განვითარების საკითხზე. სხვა შემტხვევაში დღეს პრაქტიკულად ქართული პოლიტიკა არ არსებობს“, - განაცხადა შალვა ნათელაშვილმა.

პაატა დავითაია ისეთი სისტემის ჩამოყალიბებაზე საუბრობს, რომელიც შეძლებს არსებული ვითარების შეცვლას:

„ის რეალობა, რა რეალობაცაა შექმნილი, ცხადყოფს იმას, რომ ის დაქსაქსულობა, ის პოლიტიკური ზეწოლები ლიდერებზე, რაც ხორციელდება და რაც ჩანს, მიგვაჩნია, რომ სისტემა უნდა იყოს ისეთი ჩამოყალიბებული, ისეთი ადამიანებისგან, რომელიც ამას გაუძლებს და რომელიც მკვეთრი იქნება თავის მოქმედებებში“, - აღნიშნა პაატა დავიტაიამ.

ზურაბ ხარატიშვილი კი აცხადებს, რომ სხვა პოლიტიკურ პარტიებთან ერთად ეცდებიან ჩატარებული არჩევნების ფართო შეფასება გაკეთდეს:

„ვნახეთ, რომ სამოქალაქო სექტრის ზოგიერთმა წარმოამდგენელმა დარღვევები ვერ აღმოაჩინა ასე მძმედ ჩატარებულ არჩევნებში, ზოგმა საერთოდ გაჩუმება ამჯობინა, საერთაშორისო დამკვირვებლებმა ძალიან ნეიტრალური მდგომარება დაიკავეს, გამომდინარე იქიდან, რომ პოლიტიკური პარტიების ერთობლივი შეფასება არ ყოფილა. ჩვენ ვეცდებით სხვა პოლიტიკურ პარტიებთან ერტადაც რაც შეიძლება ფართო შეფასება გავაკეთოტ არსებული არცევნების“, - განმარტა ზურაბ ხარატიშვილმა.