ვარძიის ღვთისმშობლის მიძინების ტაძარში ცეცხლი გაჩნდა

ვარძიის ღვთისმშობლის მიძინების ტაძარში ცეცხლი გაჩნდა - დაზიანებულია უნიკალური ფრესკები

შემთხვევა - 10:15, 02 Nov, 2016

3092

ვარძიის ღვთისმშობლის მიძინების სახელობის ტაძარში ცეცხლი გაჩნდა. საქართველოს კულტურული მემკვიდრეობის დაცვის ეროვნული სააგენტოს ინფორმაციით დაიწვა ტაძარში არსებული სასანთლე მაგიდა, რამაც გამოიწვია უნიკალური მხატვრობის ნაწილობრივ ჭვარტლით დაფარვა. შექმნილი ვითარება ადგილზე დაათვალიერეს სპეციალისტებმა და ისინი დღეიდან დაიწყებენ მდგომარეობის ანალიზს და დიაგნოსტიკას, ასევე შეარჩევენ კედლის მხატვრობის გაწმენდის მეთოდიკას, რის შემდეგაც დაიწყება გადაუდებელი საკონსერვაციო.

საქართველოს კულტურული მემკვიდრეობის დაცვის ეროვნული სააგენტოს დირექტორის ნიკოლოზ ანთიძის განცხადებით, ვარძიაში უკვე გაიგზავნა სპეცხარაჩო, რომლის დახმარებითაც სპეციალისტები კედლის მხატვრობის კვლევას ჩაატარებენ:

„გაირკვა რომ სანთელი იყო დარჩენილი, მაგიდაზე სადაც სხვა სანთლებიც და ხატებიც ეწყო. სამწუხაროდ გაიჭვარტლა მხატვრობის ნაწილი. დღეს დილიდან წავიდა სპეცხარაჩო ჩვენგან რათა დაიწყოს კვლევა და ანალიზი, თუ რა მეთოდით შეიძლება გაწმენდა.“- განაცხადა ნიკოლოზ ანთიძემ.

მომხდარ ფაქტთან დაკავშირებით კულტურული მემკვიდრეობის დაცვის ეროვნულმა სააგენტომ რეგირებისათვის უკვე მიმართა სამართალდამცავ ორგანოებს, დაწყებულია მოკვლევა.