,,ხვალ ნაზი ბებოს დავეხმარებით, ზეგ სხვას...” - 6 ტონა ტანსაცმელი და ერთად გაკეთებული კეთილი საქმე

სოც.მედია - 20:54, 01 Nov, 2016

35673

„ხვალ ყვარელში ნაზი ბებოს დავეხმარებით, ზეგ სხვას, მერე სხვას და ასე იქამდე სანამ ბოლომდე არ მოვაგვარებთ ყველაფერს“ - წერს აკა სინჯიკაშვილი სოციალურ ქსელში და ამჯერად იმ 90 წლის მშიერი მოხუცის დასახმარებლად აგროვებს თანხას, რომლის ვიდეომაც ბევრი ააღელვა.
მანამდე კი იყო ეროვნულ ბიბლიოთეკაში კეთილი ადამიანების მიერ მიტანილი 6 ტონა სამოსი და შემდეგი სტატუსი:

„ამწამს - ბიბლიოთეკაში შევგროვდით და გურიაში წასაღებ ტანსაცმელს ერთად ვარჩევთ ერთმანეთისთვის უცნობი ადამიანები, ახლა მივხვდი გამოთქმის მნიშვნელობას - "ძალა ერთობაშია"

გადარჩეულ ტანსაცმელს და ამ სტატუსს გურიაში გამგზავრება მოჰყვა.

აკა სინჯიკაშვილი: „სიამაყით მინდა გამცნოთ რომ პირველი ნაბიჯი მყარად გადაიდგა ჩვენი შეგროვილი 6 ტონა ტანსაცმელი და ნივთები ჩავიტანეთ ჩოხატაურში და რაიონში თითქმის ყველა სოციალურად დაუცველს შეხვდა რაღაც ჩვენგან უკვე თბილისში ვართ, გველოდებოდა უამრავი ხალხი და თქვენი დამსახურებით ბევრს აღარ შესცივა შემდეგ შეგროვებას შეგატყობინებთ როდის დავიწყებთ და რომელ რაიონს დავეხმარებით დიდი მადლობა დახმარებისთვის Giorgi Kekelidze -ს და Nato Gogelia-ს გაწეული დახმარებისთვის და ჩვენ და თქვენ ყველას ერთად ამხელა გაკეთებული საქმისთვის.
ხვალ ყვარელში ნაზი ბებოს დავეხმარებით, ზეგ სხვას, მერე სხვას და ასე იქამდე სანამ ბოლომდე არ მოვაგვარებთ ყველაფერს“.