ევროკავშირის ელჩი საქართველოში იანოშ ჰერმანი საქართველოში ჩატარებულ არჩევნებთან დაკავშირებით კიდევ ერთ კომენტარს აკეთებს და იმედოვნებს, რომ პარლამენტში მოხვედრილი ყველა პოლიტიკური ძალა ერთად იმუშავებს:

„ჩვენ დიდი ყურადღებით გავეცანით ეუთო-ს განცხადებას, რომლის მიხედვით, არჩევნები გაიმართა კონკურენტუნარიან, სამართლიან გარემოში. ჩვენი მხრიდან ასევე აღინიშნა, რომ, ეუთო-ს დამკვირვებლებმა დააფიქსირეს გარკვეული დეფექტები და ეს დააფიქსირეს სხვა ორგანიზაციებმაც. მინდა განვაცხადო, რომ ევროკავშირი მზად არის საქართველოსთან მუშაობის გასაგრძელებლად ამ დეფექტების გამოსწორების მიზნით. მინდა ასევე მივულოცო ყველა პარტიას, რომელიც პარლამენტში მოხვდა. ეს მათთვის გამარჯვებაა და ვიმედოვნებ, რომ მას საქართველოს დემოკრატიის გამარჯვებად აქცევენ“, - განაცხადა იანოშ ჰერმანმა.