აშშ-ის ელჩის შეჯამება საქართველოში ჩატარებულ არჩევნებზე

პოლიტიკა - 17:09, 31 Oct, 2016

1866

საქართველოში ჩატარებულ არჩევნებთან დაკავშირებით კომეტარი საქართველოში ამერიკის ელჩმა გააკეთა. იან კელიმ არჩევნების დროს მომხდარ ინციდენტებთან დაკავშირებით შეშფოთება გამოთქვა და აღნიშნა, რომ აშშ-ს იმედი აქვს, რომ მათი გამოძიება დროულად მოხდება:

„პირველ რიგში მინდა მივულოცო ქართველ ხალხს არჩევნების ორი ტურის წარმატებით დასრულება. ჩვენ სრულად ვეთანხმებით საერთაშორისო დამკვირვებლების განცხადებას, რომ არჩევნები კარგად ორგანიზებული, კონკურენტუნარიანი იყო და ჯამში, ასახავდა ქართველი ხალხის ნებას. ჩემი მოსაზრებით, ეს იყო კიდევ ერთი დემონსტრირება, რომ დემოკრატიული განვითარების კუთხით საქართველო ლიდერია, უზრუნველყოფს, რომ არჩევნები არის კონკურენტუნარიანი, არსებობს აზრთა სხვაობა და ქართველ ამომრჩეველს აქვს შესაძლებლობა გააკეთოს საკუთარი არჩევანი.

არის რამდენიმე საკითხი, რომლის მიმართაც ჩვენ გარკვეულ შეშფოთებას გამოვთქვამთ. დაფიქსირებული იყო ძალადობის შემთხვევები, ჩვენ ვიმედოვნებთ, რომ ეს ინციდენტები იქნება გამოძიებული. მე ვფიქრობ ძალიან მნიშვნელოვანია, რომ ახალმა პარლამენტმა და თითოეულმა პარტიამ, რომელიც პარლამენტში მოხვდა, იმუშაონ შეთანხმებულად, საერთო მიზნებისთვის როგორიცაა დემოკრატიის განვითარება, სამუშაო ადგილების შექმნა, ევროატლანტიკურ სტრუქტურებთან ინტეგრაცია. ამასთან მინდა ვთქვა, რომ მედია ძალიან მნიშვნელოვან როლს თამაშობს ქვეყნის განვითარებაში და იმედი მაქვს მომავალშიც გააგრძელებს ამ როლის შესრულებას.“- განაცხადა იან კელიმ.