"სოციალურ-პოლუტიკური განვითარების ცენტრის" ხელმძღვანელი ნინო ჩარკვიანი სოციალურ ქსელში, არჩევნების განმეორებითი ტურის მიმდინარეობისას, საკუთარ თვზე გადახდენილ სახალისო შემთხვევაზე წერს. ინციდენტი, რომელიც ნინო ჩარკვიანს დამკვირვებლის მისიის შესრულებისას კასპის რაიონში შეემთხვა საარჩევნო კურიოზებს შორის მართლაც ერთ-ერთი გამორჩეულია.

„გუშინ, სადამკვირვებლო მისიის შესრულებისას ერთ კურიოზს მაინც ვერ ავცდი. მოგეხსენებათ, მთელი დღის განმავლობაში ვაკვირდებოდი კასპის რაიონს, შესაბამისად ყველა უბანი შემოვიარე. ერთ-ერთ სოფელში, ჩემს წინ მიმავალ მანქანას ვკითხე სად იყო უბანი, გამომყევიო მითხრა და ჩვენც გავყევით. გავიარეთ სასწაული ჩიხები, აღარ დასრულდა გზა, ვფიქრობ, ცესკომ ან სკოლა ვერ ნახა, ან საბავშვო ბაღი, აქ რაღა უნდოდა საარჩევნო უბანსთქო... როგორც იქნა ჩაუხვია ერთ-ერთ დიდ შენობასთან ჩვენს წინ მიმავალმა მანქანამ და გაჩერდა. გამიკვირდა ხალხის სიმრავლე, ვიფიქრე მარნეულში ხომ არ ვარ? რა ხდება ნეტავ ასეთი, ამდენი ხალხი რომ არის ამ უბანზეთქო. ბეიჯებით რომ გადმოვედით და ხალხის გაკვირვებულ მზერას შევხედეთ, მერეღა მივხვდით, რომ გასვენებაში აღმოვჩნდით ( ღმერთმა გაანათლოს იმ პატიოსანი ადამიანის სული! )“ - წერს ჩარკვიანი საკუთარი ფეისბუკის გვერდზე.

ნინო ჩარკვიანი ზედმეტად აქტიური ამომრჩევლების ორიგინალურ ბიულეტენებსაც აქვეყნებს: