„დემოკრატიული მოძრაობის“ ლიდერმა ნინო ბურჯანაძემ დღეს საგანგებო ბრიფინგი გამართა, რომლის მთავარი თემა ქვეყანაში ჩატარებული არჩევნები იყო. ბურჯანაძემ ქართული ოცნება, მისი და სხვა ოპოზიციური პარტიის ხმების მითვისებაშიც დაადანაშაულა და განაცხადა, რომ ქართულმა ოცნებამ და ნაციონალურმა მოძრაობამ არჩევნები ერთობლივად გააყალბეს. ნინო ბურჯანაძე აპირებს სტრასბურგის სასამართლოს მიმართოს.

"ნაციონალურმა მოძრაობამ ქართულ ოცნებასთან შეთანხმებით ნამდვილად გააყალბა არჩევნები და ნამდვილად მიისაკუთრეს ორივემ ჩვენი და სხვა ოპოზიციური პარტიის ხმები. უბრალოდ, მეორე ტურში ქართულ ოცნებას ნაციონალური მოძრაობა აღარ სჭირდებოდა და ნაციონალური მოძრაობა გადააგდეს,“ - განაცხადა ბურჯანაძემ.