ევროკავშირის ელჩმა საქართველოში იანოშ ჰერმანმა არჩევნების მეორე ტურის მიმდინარეობასთან დაკავშირებით კომენტარი გააკეთა. მისი განცხადებით, ის ეუთოს და ევროპის პარლამენტის წევრების ანგარიშს დაელოდება, რის შემდეგაც გააკეთებს შეფასებას.

"მეც ველოდები ეუთოს ანგარიშს არჩევნებთან დაკავშირებით. ევროპის პარლამენტის წევრებმაც მიიღეს მონაწილეობა დაკვირვების პროცესში. ასე რომ დაველოდები ამ შეფასებას და ეუთოს ანგარიშის გამოქვეყნებას. დღეს მოგვიანებით კი მეც გამოვაქვეყნებ განცხადებას, ევროკავშირის შეფასებით," - განაცხადა იანოშ ჰერმანმა.