პარლამენტის არჩევნებში აჭარის ხუთივე მაჟორიტარულ ოლქში „ქართული ოცნების“ კანდიდატებმა გაიმარჯვეს

პოლიტიკა - 10:14, 31 Oct, 2016

1342

ცესკო-ს წინასწარი მონაცემებით, პარლამენტის არჩევნებში, აჭარის ხუთივე მაჟორიტარულ ოლქში „ქართული ოცნების“ კანდიდატებმა გაიმარჯვეს.
ბათუმის N68-ე მაჟორიტარულ ოლქში „ქართული ოცნების“ კანდიდატმა ფატი ხალვაშმა 68.13% მიიღო. „ნაციონალური მოძრაობის“ კანდიდატმა მირდატ ქამადაძემ კი31.87%.

ბათუმის N69-ე მაჟორიტარულ ოლქში „ქართული ოცნების“ კანდიდატმა ლევან ბეჟანიძემ 69.22%, ხოლო „ნაციონალური მოძრაობის“ კანდიდატმა გიორგი კირთაძემ 30.78%.

ბათუმის N70-ე მაჟორიტარულ ოლქში „ქართული ოცნების“ კანდიდატს მუხრან ვახტანგაძეს 71.28% აქვს, ხოლო „ნაციონალური მოძრაობის“ კანდიდატს თეიმურაზ დუმბაძეს 28.72%.
ქობულეთის N71-ე მაჟორიტარულ ოლქში „ქართული ოცნების“ კანდიდატს კობა ნაკაიძეს 71.32% უფიქსირდება. „ნაციონალური მოძრაობის“ კანდიდატმა ჯანსუღ ჯინჭარაძემ კი 28.68% მოიპოვა.

ხელვაჩაურის N72-ე მაჟორიტარულ ოლქში „ქართული ოცნების“ კანდიდატს ილია ნაკაშიძეს 72.15% აქვს. „ნაციონალური მოძრაობის“ კანდიდატს მიშა ბოლქვაძეს 27.85%.

რაც შეეხება აჭარის N73-ე ქედა-შუახევი-ხულოს ოლქს, „ქართული ოცნების“ მაჟორიტარმა კანდიდატმა ანზორ ბოლქვაძემ პირველივე ტურში გაიმარჯვა.