არჩევნებზე ხმის მისაცემად მისულმა ბიძინა ივანიშვილმა კომენტარი არჩევნების სავარაუდო შედეგებზე გააკეთა. ივანიშვილის თქმით მან ქართულ ოცნებასთან დაკავშირებით ზუსტი პროგნოზი დადო. ნაციონალურ მოძრაობასთან დაკავშირებით კი განაცხადა, რომ ოპოზიციური პარტიას „გადაჭარბებულად, ამაღლებულად, დაკნინებულად“ აფასებდა:

"ჩვენ ვატარებდით კვლევებს და ვიცოდით ხალხის აზრი. ნახეთ, ქართულ ოცნებასთან დაკავშირებით ძალიან დიდი სიზუსტით გავაკეთე სტატისტიკა, რამეთუ კვლევებს ვატარებდი სტაბილურად. ერთადერთი შეიძლება გადაჭარბებულად, რა თქმა უნდა ამაღლებულად, უფრო სწორად დაკნინებულად ვაფასებდი ნაციონალურ მოძრაობას, თუმცა, აქაც დაახლოებით ვიცოდით, რომ მეორე ადგილი უნდა აეღო ნაციონალურ მოძრაობას.“- განაცხადა ბიძინა ივანიშვილმა.