მთაწმინდის №20 უბანზე გადასატანი ყუთი გაიტაცეს

მთაწმინდის №20 უბანზე გადასატანი ყუთი გაიტაცეს - ენმ

პოლიტიკა - 17:58, 30 Oct, 2016

1848

„ნაციონალური მოძრაობის“ წევრი თინა ბოკუჩავა აცხადებს, რომ №20 უბანზე მთაწმინდაზე გადასატანი ყუთი გაიტაცეს.

"№20 უბანზე მთაწმინდაზე გადასატანი ყუთი საერთოდ გაიტაცეს და გარაჟშია ჩაკეტილი, ამასთან წარმოგიდგენთ ფოტომასალას, სადაც აღბეჭდილია მარკირების მქონე ადამიანები როგორ შედიან რამდენჯერმე ერთი და იგივე უბანზე. ასეთი ტიპის დარღვევები ფიქსირდება არამხოლოდ მთაწმინდაზე, არამედ ბათუმსა და მარნეულში.

აქ არის წარმოდგენილი №9 უბნიდან ფოტომასალა, ფოტოზე ნაჩვენები ქალბატონი №9 უბანზე მეორედ აძლევს ხმას. ხოლო ბოლო მაგალითი გვაქვს №28 უბანზე. ასეთი ტიპის დარღვევები ფიქსირდება არა მხოლოდ მთაწმინდაზე, არამედ ბათუმსა და მარნეულში.

ეს არის კლასიკური მაგალითი ე.წ. „კარუსელის“ როდესაც ერთიდაიგივე ამომრჩეველი რამდენიმეჯერ აძლევს ხმას. ასევე გრძელდება კრიმინალური კავშირების მქონე ადამიანების მობილიზაცია სხვადასხვა უბნებზე. განსაკუთრებით პრობლემუატურია ეს გორში, სოფლებში ქორდი, დიცში, გარეჯვარი. ფლავისმანი და ფლავი, სადაც შეინიშნება ასეთი ტიპის ადამიანების კონცენტრაცია ისევე, როგორც სპორტსმენების. ცხადია ეს ადამიანები ცდილობენ, რომ ამომრჩეველზე მოახდინონ ზეწოლა.

ასევე მთაწმინდაზე, სადაც გიორგი მიქაძე პირადად დადის უბნებზე და გიორგი გოგუაძის მიერ ხდება ორგანიზება სხვადასხვა ადამიანების იმისთვის, რომ ამომრჩეველმა ვერ შეძლოს თავისუფლად საკუთარი პოზიციის დაფიქსირება.

მოვუწოდებთ სამართალდამცავ ორგანოებს, ყურადღება მიაქციონ ყოველ ასეთ ფაქტს. მარნეულში ასევე დაფიქსირებულია არაერთი ფაქტი, როდესაც პირადობის მოწმობის გარეშე აძლევენ ხმას. მხოლოდ ერთ უბანზე ასეთი ტიპის 80-მდე ფაქტი იყო“, - განაცხადა თინათინ ბოკუჩავამ.