ახალციხის მუნიციპალიტეტის სოფელი ფერსის საარჩევნო უბნიდან „ნაციონალური მოძრაობის“ კორდინატორი ზურაბ ცუცქირიძე ახალციხის შსს-ს რაინულ სამმართველოში გადაიყვანეს.

ენმ-ს ცნობით, ცუცქირიძის შსს-ში გადაყვანა არჩევნებს უკავშირდება.

თავად ზურაბ ცუცქირიძე აცხადებს, რომ პოლიციაში ნარკოტიკულ თრობასა და სიმთვრალეზე შეამოწმეს.

მან პოლიციის შენობა რამდენიმე წუთის წინ დატოვა.

შს სამინისტროში მოქალაქის სამმართველოში გადაყვანის მიზეზებზე არ საუბრობენ. როგორც "ნიუპოსტს" უწყებაში განუცხადეს, მოქლაქე დაკავებული არ არის.