ნაციონალური მოძრაობის ვაკის მაჟორიტარი დეპუტატობის კანდიდატის, ელენე ხოშტარიას თქმით, წყნეთში გარკვეულ უბნებზე საარჩევნო პროცესი დარღვევებით მიმდინარეობს. მისი ინფორმაციით, ადგილი აქვს როგორც ადმინისტრაციული რესურსის გამოყენებას, ასევე საარჩევნო უბნებზე აგიტაცია-პროპაგანდა ხდება. ელენე ხოშტარიას განცხადებით, ქართული ოცნების წარმომადგენლები ამომრჩეველს მოუწოდებენ, 41 ნომერი შემოხაზონ, ამასთანავე წყნეთის მუნიციპალიტეტის თავმჯდომარე ზურაბ შაყულაშვილი დადის უბნიდან უბანზე და ღიად ეწევა აგიტაციას. მისი მანქანა წყნეთის ექვსივე უბანთან დაფიქსირდა.

მაჟორიტარობის კანდიდატმა საკუთარი არჩევანი ვაკის მე-2 ოლქის მე-12 უბანზე უკვე დააფიქსირა. ელენე ხოშტარიას თქმით მან ხმა მისცა საკონსტიტუციო უმრავლესობისა და ერთპარტიული მომავლის წინააღმდეგ.