რამდენიმე პროცედურული დარღვევა და ორი საჩივარი- რა ვითარებაში მიმდინარეობს არჩევნები აჭარაში

პოლიტიკა - 09:27, 30 Oct, 2016

1297

აჭარის უმაღლესი საარჩევნო კომისიის ინფორმაციით აჭარის ა.რ. ტერიტორიაზე განლაგებული 348-ვე უბანი გაიხსნა, დაწყებულია კენჭისყრის პროცედურა და მშვიდ ვითარებაში მიმდინარეობს.
დაფიქსირდა რამდენიმე პროცედურული დარღვევა. მაგალითად, ერთ-ერთ უბანზე(69.79.24) საკონტროლო ფურცელი ჩააგდეს პირველი ამომრჩევლის ხელმოწერის გარეშე, ასევე (69.79.66)არ იყო ხმის მიცემის კაბინაზე ფოტო-ვიდეო გადაღემის ამკრძალავი ნიშანი, რაც ადგილზევე აღმოიფხვრა.
ქობულეთის მე-10 და ბათუმის პირველ უბნებზე დაიწერა თითო საჩივარი, სადაც დამკვირვებლებს უბნის თავმჯდომარეებმა რეგისტრატორისგან მოშორებით დგომისკენ მოუწოდეს.
შეგახსენებთ, აჭარაში, მაჟორიტარული სისტემით არჩევნების მეორე ტური 6-ვე მაჟორიტარულ ოლქში მიმდინარეობს.
ინფორმაცია არჩევნების მიმდინარეობასთან და ამომრჩეველთა აქტივობასთან დაკავშირებით გამოქვეყნდება უსკოს ოფიციალურ ვებwww.usko.ge და ფეისბუქ https://www.facebook.com/ajarausko/ გვერდზე.
უბნების დახურვის, ხმების დათვლისა და შემაჯამებელი ოქმების შედგენის შემდეგ, უსკო რეალურ რეჟიმში დაიწყებს არჩევნების მეორე ტურის წინასწარი პირველადი მონაცემების გამოქვეყნებას. მონაცემებს შეგიძლიათ გაეცნოთ მოცემულ ბმულზე: http://results2.sec.ge/, უმაღლესი საარჩევნო კომისიის ვებ გვერდზე: www.usko.ge