„ქვეყნიდანაც კი გააძევეს. მარა რად გინდა, არ ისვენებს“

„ქვეყნიდანაც კი გააძევეს. მარა რად გინდა, არ ისვენებს“ - გიორგი კავკასიძე პოლიტლიდერებზე

სოც.მედია - 18:11, 29 Oct, 2016

12701

„არ უნდათ ქართველებს არც მუხლჩართული შრომა და მუშაობა, არც დანაშაულზე პასუხისგება, არც ბლატზე და ჩაწყობაზე უარის თქმა“ - წერს უცხოეთში მცხოვრები პროფესორი გიორგი კავკასიძე და „ფეისბუქზე“ გამოქვეყნებულ პოსტში ყოფილ პრეზიდენტსა და „ნამდვილ ქართულ ოცნებაზე“ საუბრობს.

გიორგი კავკასიზე: „ვერ გაიგო ამ კაცმა რომ ქართველებს დასავლეთი, ევროკავშირი, ნატო... იმიტომ უნდათ რომ დასავლეთი მდიდარია, მეტ დახმარებას მიიღებენ და არა იმიტომ რომ იქაური ფასეულობები ან ცხოვრების წესი ევასებათ.
ჯერ იყო და იმ გუგულივით კაცს, შევარდნაძეს შეუჩნდა და არ მოისვენა სანამ არ " გადააგდო". 9 წლის თავზე გონზე მოსულმა ქართველებმა როგორც იქნა მოიშორეს ეს სუპერ-აქტიური "არაქართველი", ქვეყნიდანაც კი გააძევეს. მარა რად გინდა, არ ისვენებს, ეხლა ამ პატიოსან კაცს, ბატონ ბიძინას ებრძვის.
არ გამოუვა არაფერი. არ უნდათ ქართველებს არც მუხლჩართული შრომა და მუშაობა, არც დანაშაულზე პასუხისგება, არც ბლატზე და ჩაწყობაზე უარის თქმა, არც მართლმადიდებლური სიწმინდეების ღალატი, არც ქურდულ- ფეოდალური ტრადიციების შეცვლა. დღვანდელი კვერცხი ურჩევნიათ ხვალინდელ ქათამს. ასე ცხოვრობდნენ ბოლი 600 წელი და მშვენივრად ეგუებიან.
ყველაფერს აიტანენ, უშუქობას, შიმშილს, სიცივეს, უფულობას, ოღონდ არ იმუშაონ, დანაშაულზე და წესების დარღვეებზე პასუხი არ აგონ, შვილები სამსახურში მოაწყონ... ეს არის ნამდვილი ქართული ოცნება.
არა ბატონო პრეზიდენტო და ლიბერალ- დემოკრატებო, არჩევნებით ვერასდროს ვეღარ მოხვალთ ხელისუფლებაში. ერთხელ შეცდა ეს ხალხი 2004 წელს, მერე 8 წელი ნანობდნენ. მეორედ იგივე შეცდომას აღარ გაიმეორებენ.
ასეთია ჩემი "უბეჟდენიე". ვისაც არ სჯერავს, 1 ნოემბერს ვიკამათოთ“.