“დაბალანსების და მთავარი მრჩევლის პოლიტიკა იყო მცდარი“ - სამნიძე უსუფაშვილის გადაწყვეტილებაზე

პოლიტიკა - 18:20, 29 Oct, 2016

2984

„რესპუბლიკური პარტიის“ თავმჯდომარის, ხათუნა სამნიძის თქმით პარტიიდან დავით უსუფაშვილის წასვლა დიდი დანაკლისია. ლიდერის მიერ პარტიის დატოვებას სამნიძე იმით ხსნის, რომ „რესპუბლიკურ პარტიაში“ ახალი ძალების გაძლიერება და რეფორმების გატარება ხდება:

„შედეგებმა და წინასაარჩევნო კამპანიამ ცხადყო, რომ დაბალანსების პოლიტიკა და მთავარი პარტნიორის, მთავარი მრჩევლის პოლიტიკა კოალიციაში იყო მცდარი გზა და ასევე ჩვენ დრო არ გვეყო იმისთვის, რომ ჩვენ ამომრჩეველს დავენახეთ ოპოზიციურ პარტიას, ამ შედეგების განხილვამ კი მიგვიყვანა დასკვნებამდე, რომ ჩვენ უნდა გავაძლიეროთ ახალი ძალები პარტიაში, გავატაროთ რეფორმები და ვიყოთ მკვეთრად ორიენტირებული ჩვენს იდეოლოგიაზე და ღირებულებებზე, სწორედ ეს იყო ერთ-ერთი საკითხი რის გამოც დავით უსუფაშვილმა მიიღო გადაწყვეტილება და მან დატოვა პარტია. ეს არის ძალიან დიდი დანაკლისი , დავით უსუფაშვილი არის პროფესიონალი, კვალიფიციური პოლიტიკოსი როგორც პარტიისთვის ასევე ქვეყნისთვის.“- განაცხადა ხათუნა სამნიძემ, მისი თქმით მას თინათინ ხიდაშელის გადაწყვეტილების შესახებ ინფორმაცია არ აქვს.