საქართველოს პრემიერ-მინისტრმა გუშინ მინისტრთა კაბინეტებში შესაძლო ცვლილებებზე ისაუბრა, აღნიშნულს კი დღეს სოზარ სუბარი გამოეხმაურა, იგი მედიაში გავრცელებულ ინფორმაციას ჭორს უწოდებს და აცხადებს, რომ ყოველივე ცნობილი მას შემდეგ გახდება, რაც პარლამენტი შეიკრიბება:

"ძალიან უხერხულია ყოველდღე ჭორებზე კომენტარების გაკეთება, არაფერი სერიოზული არ იგეგმება. დაველოდოთ მეორე ტურს, შემდეგ პარლამენტის შეკრებას, შემდეგ იქნება მთავრობის დამტკიცება და გავიგებთ ყველა ყველაფერს. ოპტიმალური სტრუქტურაა რაც მოქმედებს საქართველოში, მთავრობის ზომაზე თუ ვსაუბრობთ, ზომით და დანახარჯებით მსოფლიოში ყველაზე მოწინავე ადგილს იკავებს სიმცირით. ​გადახალისება ყოველთვის ხდება და ყოველთვის იქნება მოსალოდნელი, თუმცა მნიშვნელოვანი ცვლილებები არ იგეგმება,"- აცხადებს სუბარი.