"რუსეთს მეზობლების წინააღმდეგ სამხედრო ძალის გამოყენება სურს, როგორც ეს საქართველოსა და უკრაინაში მოხდა"- სტოლტენბერგი

პოლიტიკა - 11:20, 27 Oct, 2016

3404

NATO ორგანიზაციის აღმოსავლეთ ნაწილში და შავი ზღვის რეგიონში წარმომადგენლობების გაზრდაზე მსჯელობს. ბრიუსელში თავდაცვის მინისტერიალის ერთ-ერთი მთავარი თემა რუსეთთან ურთიერთობა და ვარშავის სამიტის გადაწყვეტილებების იმპლემენტაციაა. ალიანსის გენერალურმა მდივანმა რუსეთი კიდევ ერთხელ მწვავედ გააკრიტიკა იმ სახედრო ამბიციების გამო, რომელიც კრემლს, როგორც მეზობელი ქვეყნების, ისე ნატო-ს წევრი და არაწევრი ქვეყნების მიმართ აქვს. ამ კონტექსტში ახსენა დღეს იენს სტოლტენბერგმა უკრაინა და საქართველო.

„რუსეთი განაგრძობს აღმოსავლეთ უკრაინის დესტაბილიზაციას, სეპარატისტებისთვის სამხედრო და ფინანსური დახმარების აღმოჩენას. ეს ნაბიჯი არ ამცირებს დაძაბულობას და არ ემსახურება ურთიერთობებში პროგნოზირებადობის აღდგენას. ნატოს სამხრეთ სამეზობლოში რუსეთი აგრძლებს ასადის რეჟიმის მხარდაჭერას, აგრძელებს ალეპოს დაბომბვას, რაც ამწვავებს ჰუმანიტარულ კატასტროფას. მამაკაცები , ქალები და ბავშვები იღუპებიან ყოველდღე, მათი სახლებისა და ჰოსპიტალების დაბომბვის დროს. მე მოვუწოდებ რუსეთს, რომ აჩვენოს რეალური მცდელობა სამხედრო მოქმედებების შეწყვეტის და მისცეს საშუალება ჰუმანიტარული დახმარების ალეპოში შეტანას. დიალოგი განსაკუთრებით მნიშვნელოვანია მაშინ, როდესაც სიტუაცია დაძაბულია. NATO მოწოდებულია ძლიერი თავდაცვისკენ და ასევე რუსეთთან დიალოგისკენ. ჩვენი ყველა ქმედება არის პროპორციული, თავდაცვითი და ვმოქმედებთ საერთაშორისო ვალდებულებების თანახმად. რუსეთს სურს რომ გამოიყენოს სამხედრო ძალა მეზობლების წინააღმდეგ, ჩვენ ეს ვნახეთ საქართველოში და ვნახეთ უკრაინაში, ყორიმისა და სევასტოპოლის არალეგალური ანექსიით და იმ დესტაბილიზაციით, რომელიც აღმოსავლეთ უკრაინაში გრძელდება. ნატომ უნდა მოახდინოს რეაგირება და ვრეაგირებთ პასუხისმგებლობით.“- განაცხადა იენს სტოლტენბერგმა.

იენს სტოლტენბერგის თქმით, NATO ბალტიისპირეთის სამ ქვეყანასა და პოლონეთში, მეტი კოორდინაციისა და საფრთხეების თავიდან აცილების მიზნით, 4 ბატალიონს გაგზავნის.