90-ე ადგილი 144 ქვეყანას შორის - გენდერული თანასწორობის მიხედვით საქართველოს მდგომარეობა გაუარესდა

პოლიტიკა - 12:44, 26 Oct, 2016

1849

მსოფლიოს ეკონომიკური ფორუმის მიერ გამოქვეყნებული ანგარიშის თანახმად, საქართველო გენდერული თანასწორობის რეიტინგში მსოფლიოს 144 ქვეყანას შორის 90-ე ადგილს იკავებს.

არსებული მონაცემებით, გენდერული თანასწორობის მიხედვით საქართველოს მდგომარეობა ბოლო ერთი წლის განმავლობაში გაუარესდა. 2015 წელს ქვეყანა რეიტინგში 82-ე ადგილს იკავებდა.

რეიტინგი ოთხ ძირითად პარამეტრს ეყრდნობა: ეკონომიკურ სფეროში ქალთა და მამაკაცთა თანასწორობის უზრუნველყოფა; განათლების ხელისაწმდომობა; შესაძლებლობები ჯანდაცვის სფეროში და პოლიტიკური ძალაუფლების ფლობა.

საქართველო 61 ადგილს იკავებს ეკონომიკურ სფეროში ქალთა და მამაკაცთა თანასწორობის უზრუნველყოფის მიხედვით, 78-ე პოზიციაზეა განათლების ხელმისაწვდომობის კუთხით, ჯანდაცვის სფეროში შესაძლებლობების მიხედვით კი 119-ე, პოლიტიკური ძალაუფლების ფლობის მიხედვით ქვეყანა 114-ე პოზიციაზეა.

რაც შეეხება მეზობელ ქვეყნებს, გენდერული თანასწორობის მიხედვით, აზერბაიჯანი 86-ე ადგილს იკავებს, რუსეთი - 75-ეს, სომხეთი 102-ე ადგილზეა, თურქეთი კი 130-ზე.

პირველ ხუთეულს ისლანდია, ფინეთ, ნორვეგია, შვედეთი და რუანდა წარმაოდგენს.

ყველაზე ცუდი ვითარება კი სირიაში, პაკისტანში, იემენში, საუდის არაბეთსა და ირანში.