"შეიარაღებულ ძალებს ქირურგიული ჩარევა სჭირდება, სამხედრო მეთაურები სასწრაფოდ უნდა შეიცვალოს“

"შეიარაღებულ ძალებს ქირურგიული ჩარევა სჭირდება, სამხედრო მეთაურები სასწრაფოდ უნდა შეიცვალოს“ - თევზაძე

პოლიტიკა - 12:26, 26 Oct, 2016

3642

თავდაცვის ყოფილი მინისტრი, დავით თევზაძე ამბობს, რომ "შეიარაღებული ძალები ყოველგვარი ფარგლებიდანაა გასული და მას სასწრაფო ქირურგიული ჩარევა სჭირდება". შესაბამისი განცხადება თევზაძემ „კრწანისის“ ინციდენტის შეფასებისას გააკეთა. მისივე თქმით, პოლიტიკურმა ხელმძღვანელობამ სამხედრო მეთაურების შეცვლის თაობაზე გადაწყვეტილება სასწრაფოდ უნდა მიიღოს.

"შეიარაღებული ძალები ნამდვილად არის გასული ყოველგვარი ფარგლებიდან. შეიარაღებულ ძალებს სასწრაფო ქირურგიული ჩარევა შეიძლება დაჭირდეს. პასუხისმგებელი პირები კონკრეტული ვიღაცეები კი არ არიან, არამედ ისინი არიან, ვინც ამას ხელმძღვანელობენ.

თევზაძის თქმით, თავდაცვის მოქმედმა მინისტრმა მომხდართან დაკავშირებით განცხადების გაკეთება იჩქარა.

"მე თავს შევიკავებდი მსგავი განცხადების გაკეთებას, რაც მინისტრმა გააკეთა... უმჯობესია პოლიტიკურმა ხელმძღვანელობამ გაბედული ნაბიჯი გადადგან, მთლიანად მოაცილოს შეიარაღებულ ძალებს ის არაკომპეტენტური მართვა, რომლის ქვეშაც დღეს იმყოფება,“- განაცხადა დავით თევზაძემ.

საქართველოს თავდაცვის უწყების ინფორმაციით წვრთნებისა და სამხედრო განათლების სარდლობის მხარდამჭერ ცენტრ "კრწანისის" ტერიტორიაზე უცხო პირების მხრიდან შეჭრის ფაქტი 23 ოქტომბერს, დაახლოებით 03:30საათზე დაფიქსირდა. რამდენიმე უცხო პირი არ დაემორჩილა განწესში მყოფი გუშაგის სიტყვიერ გაფრთხილებას და თავს დაესხა მას, რის შემდეგაც გუშაგმა წესდებით გათვალისწინებული მოქმედებები განახორციელა და ცენტრის ტერიტორიაზე შეჭრის ფაქტი აღკვეთა. განხორციელებული სროლის შედეგად 23 წლის გიგა შენგელაია დაიღუპა.