„პატრიოტთა ალინსის“ ლიდერი დავით თარხან-მოურავი აცხადებს, რომ მათ 6 მანდატზე მეტი ეკუთვნით. პარტიის წარმომადგენლები გეგმავენ, რომ საკონსტიტუციო სასამართლოს შესაბამისი სარჩელით მიმართონ და დამატებითი მანდატები მოითხოვონ:

„ყველა პარტია, რომელიც დარჩა ბარიერს მიღმა, ვერ გადალახა ბარიერი, მათი პროცენტები უნდა განაწილდეს ახლა იმ პარტიებზე, ვინც შევიდა პარლამენტში. მხოლოდ ხელისუფლება და ნაციონალური მოძრაობა ინაწილებს რატომღაც ამ დარჩენილ 17 ადგილს, ჩვენ არ ვმონაწილეობთ იქ, რაც არასწორია. ჩვენ გავასაჩივრებთ საკონსტიტუციო სასამართლოში და დიდი იმედი მაქვს, რომ დროულად მოახდენს რეაგირებას და მიიღებს სწორ გადაწყვეტილებას, მაშინ ჩვენ 8 მანდატს მივიღებთ,“ - აღნიშნა დავით თარხან-მოურავმა.