საქართველოს პრეზიდენტი გიორგი მარგველაშვილი არჩევნების მეორე ტურებში ამომრჩეველს აქტიურობისკენ მოუწოდებს. აღნიშნულის შესახებ, პრეზიდენტის პოზიციაზე, მისმა პრესსპიკერმა, ეკა მიშველაძემ ისაუბრა:

„ცნობილია, რომ განმეორებითმა არჩევნებმა მნიშვნელოვანი დარღვევებისა და გადაცდომების გარეშე ჩაიარა, თუმცა ქვეყანაში საარჩევნო პროცესი გრძელდება და 30 ოქტომბერს მაჟორიტარულ ოლქებში ძალიან მნიშვნელოვანი მეორე ტურები გაიმართება. ისევე როგორც მთელ წინასაარჩევნო და საარჩევნო პროცესის განმავლობაში, პრეზიდენტი მოუწოდებს ამომრჩეველს აქტიურობისა და მეტი ჩართულობისკენ, შესაბამის სტრუქტურებს კი მშვიდი და სამართლიანი გარემოს უზრუნველყოფისკენ,“- განაცხადა ეკა მიშველაძემ.