ლევან გაჩეჩილაძე თბილისის მერის არჩევნებზე შესაძლოა „ქართული ოცნების“ კანდიდატი იყოს

პოლიტიკა - 14:42, 25 Oct, 2016

9517

„ახალი საქართველოს“ ერთ-ერთი ლიდერის ლევან ხაბეიშვილის განცხადებით, ლევან გაჩეჩილაძეს თბილისის მერობა სურს და არ არის გამორიცხული თვითმმართველობის არჩევნებზე „ქართული ოცნების“ კანდიდატი იყოს. ამის შესახებ ხაბეიშვილმა გაზეთ „ახალ თაობასთან“ ინტერვიუში ისაუბრა და განაცხადა, რომ ეს ინფორმაცია ხელისუფლებასთან დაახლოებულმა პირმა მიაწოდა:

„ინფორმაცია ამის შესახებ ხელისუფლებასთან დაახლოებულმა პიროვნებამ მომაწოდა. ჩვენ ერთ-ერთ ტელეკომპანიაში ერთად ვიყავით მიწვეულები და გადაცემის დაწყების წინ მესაუბრა ამაზე.

ვინაობის დასახელებას არ ვაპირებ, მხოლოდ იმას გეტყვით, რომ ის მთავრობის სხდომებს ესწრებოდა და მას ძალიან ბევრი ინფორმაცია აქვს. მისი განცხადებით, ლევან გაჩეჩილაძე ხშირად ესწრება მთავრობის სხდომებს.

ლევან გაჩეჩილაძე პრემიერის მეგობარია და შესაძლოა ამ სტატუსით ასწრებენ მთავრობის სხდომებს. ადამიანი, რომელიც ამის შესახებ მომიყვა ამბობს, რომ მთავრობაში „გრეჩიხას“ „პალაჟენია“ დაყენებული აქვს. ლევან გაჩეჩილაძე ღიად ამბობს, რომ მას თბილისის მერობა სურს და არ გამიკვირდება თუ სწორედ ის იქნება „ოცნების“ კანდიდატი,“ – აცხადებს ლევან ხაბეიშვილი.