"არჩევნების მეორე ტურში დაუჭირეთ მხარი ხელისუფლების კანდიდატს"- ალასანიას ყოფილი თანაგუნდელები

პოლიტიკა - 14:20, 25 Oct, 2016

8333

"თავისუფალი დემოკრატების" ყოფილმა წევრებმა დღეს საგანგებო ბრიფინგი გამართეს. როგორც ზურაბ აბაშიძემ ბრიფინგზე განაცხადა თანამდებობებთან დაკავშირებით, ხელისუფლებასთან არანაირი მოლაპარაკებები არ მიმდინარეობს, მიუხედავად ამისა, აბაშიძემ მხარდამჭერებს მოუწოდა, რომ საპარლამენტო არჩევნების მეორე ტურში „ქართული ოცნების“ კანდიდატებს დაუჭირონ მხარი:

„ჩვენ არ ვართ ხელისუფლებაში და ოპოზიციაში, არ ვართ პარტიაში. არანაირი შემოთავაზებები და მოლაპარაკებები არ მიმდინარეობს, რაც შეეხება საკონსტიტუციო უმრავლეოსობის საკითხს, სახელმწიფოს აქვს ცუდი გამოცდილება საკონსტიტუციო უმრაველობის, რომელიც ერთი პიროვნების ხელში ბოროტად იყო გამოყენებული, გამოვთქვამთ იმედს, რომ კვირკაშვილის მთავრობის პირობებში იქნება მიმართული სახელმწიფო აღმშენებლობისკენ. დიდუბეში, ჩემს მხარდამჭერებს, ვინც ჩემთან ერთად იდგა საარჩვნო კამაპანიის დრო, ყველას მოუწოდებ რომ მხარი დაუჭირონ ხელისუფლების წარმომადგენლებს. ჩვენ არასოდეს არ ვუჭერდით მხარს ნაციონალებს და არცერთის მხარდაჭერა ისევ ნაციონალების წისქვილზე დაასხამს წყალს. ჩვენი საქმიანობა სად და როგორ გაგრძელდება, ამას საზოგადოება იხილავს.“- განაცხადა ზურაბ აბაშიძემ.

„მოგიწოდებთ, მხარი დაუჭიროთ ქართული ოცნების კანდიდატებს, რადგან ჩემთვის პირადად მიუღებელია, რა მიზეზითაც ან რა საფუძველზე შეიძლება მხარი არ დაეჭიროს ქართულ ოცნებას, როდესაც ჩვენ ყველამ ერთად, 2012 წელს ერთად მივიღეთ ის გადაწყვეტილება, რომ ნაციონალური მოძრაობა სამუდამოდ უნდა წასულიყო მინიმუმ ოპოზიციაში და შეიძლება, პოლიტიკიდანაც,“- განაცხადა დავით ონოფრიშვილმა.