"ირაკლი ალასანიასთან ერთად დავიცავთ ჩვენს ხმებს ჭიათურაში"

"ირაკლი ალასანიასთან ერთად დავიცავთ ჩვენს ხმებს ჭიათურაში" - თამარ კეკენაძე

პოლიტიკა - 13:59, 25 Oct, 2016

1507

არჩევნების მეორე ტურის მოახლოებასთან ერთად უფრო და უფრო მატულობს ზეწოლა ამომრჩეველზე ჭიათურაში“, - განაცხადა ,,თავისუფალი დემოკრატების“ აღმასრულებელმა მდივანმა თამარ კეკენაძემ ჭიათურაში გამართულ ბრიფინგზე.

პარტიის ლიდერის განმარტებით ,,თავისუფალი დემოკრატები“ სრული შემადგენლობით გვერდში უდგანან ჭიათურის მაჟორიტარობის კანიდიდატს თეიმურაზ გაფრინდაშვილს და დღევადელი ბრიფინგი გაიმართა სწორედ იმ უხეში დარღვევებისა და ზეწოლის ფაქტების აღმოსაფხვრელად, რომელსაც ინტესიურად ახორციელებს ქართული ოცნება ამომრჩევლების მიმართ.

,,არჩევნების მეორე ტურის მოახლოებასთან ერთად სამწუხაროდ უფრო და უფრო მატულობს ზეწოლა ამომრჩეველზე ჭიათურაში. ჩვენი ინფორმაციით, რომელსაც ყოველდღიურ რეჟიმში აწვდის მოსახლეობა ჩვენს კანდიდატს, ბატონ თემურ გაფრინდაშვილს, ქართული ოცნების წარმომადგენლები სხვადასხვა მეთოდით ცდილობენ დააშინონ ამომრჩეველი. საუბარია როგორც სოციალური დახმარების მოხსნაზე, ასევე საჯარო სამსახურებიდან დათხოვნაზე. მინდა მოვუწოდო ხელისუფლებას და შესაბამის უწყებებს უზრუნველყონ არჩევნების მშვიდობიან და თანაბარ პირობებში ჩატარება. ჩვენ ვაპირებთ ჭიათურაში არსებული ყველა ყველა დარღვევის შესახებ ინფორმაცია მივაწოდოთ როგორც საერთაშორისო ორგანიზაციებს, ასევე დიპლომატიურ კორპუს და უწყებათშორის კომისიას. ,,თავისუფალი დემორკატების“ გამგეობის ყველა წევრი ვაპირებთ არჩევნების დღეს ვიყოთ ჭიათურაში. აქ იქნება პარტიის თავმჯდომარე ირაკლი ალასანიაც და ჩვენ დავიცავთ ჩვენს ხმებს. ,,თავისუფალი დემოკრატები ვაპირებთ ბოლომდე ვიბრძოლოთ ბატონ თემურთან ერთად და დავიცვათ ჭიათურელების ინტერესები“, - განაცხადა თამარ კეკენაძემ.