საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი, E60 ავტომაგისტრალის, რუსთავი-წითელი ხიდის და რუსთავი-სადახლოს გზების განახლებისთვის ტექნიკურ-ეკონომიკური დასაბუთებისა და დეტალური პროექტის მომზადებას იწყებს.

აღნიშნული პროექტი, აღმოსავლეთ-დასავლეთის ჩქაროსნული მაგისტრალის გაუმჯობესების მეოთხე პროექტის ფარგლებში მსოფლიო ბანკის დააფინანსებით განხორციელდება.

ამ ეტაპზე, რუსთავი-წითელი ხიდის და რუსთავი-სადახლოს გზების განახლებისთვის ტექნიკური და ფინანსური წინადადებები 4 კომპანიამ წარმოადგინა. შემდეგ ეტაპზე, შერჩეულ კომპანიასთან დაიწყება საკონტრაქტო მოლაპარაკებები და ტექნიკურ-ეკონომიკური დასაბუთებისა და დეტალური პროექტის დოკუმენტი მომზადდება.

რუსთვიდან სადახლოს მიმართულებით 40 კილომეტრიანი მონაკვეთის მშენებლობა იგეგმება, მშენებლობის სავარაუდო ღირებულება 90 მლნ. აშშ. დოლარია. . რუსთვიდან წითელი ხიდის მიმართულებით დაგეგმილია 35 კილომეტრიანი მონაკვეთის მშენებლობა და მისი სავარაუდო ღირებულება 110 მლნ. აშშ. დოლარია.