გაყალბების ფაქტები აჭარაში - ლევან ვარშალომიძე მორიგ ვიდეოს აქვეყნებს

პოლიტიკა - 16:32, 23 Oct, 2016

3230

ლევან ვარშალომიძემ არჩევნების დღეს გადაღებული მორიგი ვიდეო გაააჯაროვა, რომელიც მისი თქმით, 8 ოქტომბერს ჩატარებული არჩევნების გაყალბების მორიგ ფაქტებს ასახავს.

აჭარის მთავრობის ყოფილი თავმჯდომარე ვიდეო კადრებს ფიესბუქის გვერდზე ავრცელებს და იქვე დეტალებს განმარტავს:

ვიდეო -1

მოქმედება ხდება ბათუმის 68-ე ოლქის 36-ე უბანზე.

მოგეხსენებათ რომ ოქმზე ხელის მოწერა არის ბოლო პროცედურა, რომელიც მაშინ სრულდება, როცა ხმა დათვლილია, ბიულეტინები დალუქული და ყველა სამუშაოები დასრულებული, შესაბამისად ოქმი შევსებულია და ამის დასტურად კომისიის წევრების აწერენ ხელს. (ეს არის წესი)

კადრებში თქვენ ხედავთ, რომ მაგიდაზე წინასწარ ხელმოწერილ ოქმებზე მიდის შევსების პროცესი და ბიულეტინებიც იქვე დევს, არ არის დალუქული, რაც იმას ნიშნავს, რომ ამ კონკრეტულ უბანზე დადგა არასასურველი შედეგი და ხდება ხელოვნური ჩარევა, გადაკეთება, ჩასწორება, გაბათილება და ა.შ.

ეს არ არის უბრალოდ პროცედურული დარღვევა, ეს არის ფაქტი, რომელიც იძლევა საფუძველს ამ ოლქის შედეგები არსებითად შეეცვალა.

ვიდეო - 2

მოქმედება ხდება 69-ე ოლქის 55-ე უბანზე.

უბანზე, არაუფლებამოსილი პირი იღებს ბიულეტინს და მისი სურვილისამებრ წყვეტს ვის მიაკუთვნოს.

ვიდეო -3ასეთი შემთხვევები ბევრი გამოაშკარავდა და დასკვნა ერთია, უბნებზე იყო ხელოვნურად შექმნილი ქაოსი, რათა "საჭირო" ადამიანებს ჰქონოდათ შესვლის საშუალება, წვდომა ბიულეტინებზე და სხვადასხვა მანიპულაციის უფლება.

69-ე ოლქის 51 უბანი.

კადრში ხედავთ კომისიის თავმჯდომარეს, რომელიც საარჩევნო პროცესის მიმდინარეობის დროს აბარებს ანგარიშს ზემდგომს ციფრების დეტალიზებით და ღებულობს დირექტივას. რასაც კომისიის წევრი უპროტესტებს, რაზეც იგი პასუხობს - "მიჩივლე სადაც გინდა, დამანებე თავზე"

აქვე უნდა ვთქვა, რომ საარჩევნო პროცესში, კომისიის წევრებს ევალებათ ციფრების ოქმში ჩაწერა და არა წინასწარ, ტელეფონით ინფორმაციის გადაცემა და მიღებული დირექტივის მიხედვით ოქმის შედგენა.