"ჩვენ აქ ახლა კამპანიას არ ვეწევით, უბრალოდ გვაინტერესებს, უბანზე მშვიდობა იყოს "- კობახიძე ჯიხაშკარში იმყოფება

პოლიტიკა - 12:30, 22 Oct, 2016

1420

„ქართული ოცნების“ ერთ-ერთი ლიდერმა მანანა კობახიძე ჯიხაშკარის საარჩევნო უბანთან მივიდა. მმართველი პარტიის ლიდერმა ჟურნალისტებთან კომენტარი გააკეთა და აღნიშნა, რომ თუ კანონი დაირღვა, რეაგირება ცესკომ უნდა მოახდინოს.
"თუ რაიმე დაირღვა, სწორედ ამის გამო აქ ტარდება განმეორებითი არჩევნები. ეს თავისთავად ლოგიკურია. იქნებოდა ცუდი ის, რომ დარღვევების მიუხედავად, ამ უბნის და სხვა უბნების, სადაც დღეს არის არჩევნები, ხმები მაინც დათვლილიყო და იგნორირება მომხდარიყო ამ დარღვევების, სხვა შემთხვევაში ყველაფერი იქნებოდა იგნორირებული და დაითვლიდნენ ხმებს ისე, როგორც აწყობდა ხოლმე ხელისუფლებას, თავის დროზე, როგორც ხდებოდა წლების წინ. დარღვევებით, ხელისუფლების ძალადობით არჩევნების შედეგების დადება. დღეს სხვა დროა. დღეს ხელისუფლება თვითონ არის დაინტერესებული, რომ არჩევნები იყოს მშვიდობიანი, დემოკრატიული. რაც აღიარა უკვე ყველამ, ყველაზე უფრო კვალიფიციურმა და ავტორიტეტულმა ორგანიზაციებმა“, - აღნიშნა მანანა კობახიძემ.
მისი თქმით, ის ჯიხაშკარში პარტიის კანდოდატის მხარდასაჭერადაა ჩასული.

„მე რა თქმა უნდა მხარდასაჭერად ვარ ჩამოსული, მაგრამ ჩვენ აქ ახლა კამპანიას არ ვეწევით. უბრალოდ გვაინტერესებს, რომ უბანზე იყოს მშვიდობა“- თქვა დეპუტატმა.