თუკი კანდიდატები 50%-იან ბარიერს გადალახავენ, არჩევნები პირველივე ტურში დასრულდება

თუკი კანდიდატები 50%-იან ბარიერს გადალახავენ, არჩევნები პირველივე ტურში დასრულდება - ცესკო

პოლიტიკა - 10:17, 22 Oct, 2016

2598

ცესკო-ს სპიკერის ანა მიქელაძის განცხადებით თუკი კანდიდატები 50%-იან ბარიერს გადალახავენ, არჩევნები პირველივე ტურში დასრულდება. განმეორებითი კენჭისყრის შედეგებზეა დამოკიდებული კონკრეტულ უბნებზე გაიმართება თუ არა მეორე ტური.

„თუკი კანდიდატები კანონით განსაზღვრულ 50%-იან ბარიერს გადალახავენ, რა თქმა უნდა, ასეთ შემთხვევაში არჩევნები პირველივე ტურში დასრულდება და გამარჯვებული კანდიდატი გამოვლინდება. მაგრამ, თუკი ვერც ერთი მათგანი ვერ გადალახავს 50%-იან ბარიერს, მეორე ტური დაინიშნება. მეორე ტურის დანიშვნა დამოკიდებულია, რამდენად მოგვცემს ამის შესაძლებლობას შედეგები“, - განმარტა ანა მიქელაძემ.

საქართველოს 4 საარჩევნო ოლქში, 4 საარჩევნო უბანზე განმეორებითი კენჭისყრა მიმდინარეობს. №36 მაჟორიტარული საარჩევნო ოლქის №36.22.48 საარჩევნო უბანზე (მარნეული) იმართება პარლამენტის მაჟორიტარული არჩევნები, ხოლო №66 მაჟორიტარული საარჩევნო ოლქის №66.67.38, №66.67.79 და №66.67.108 საარჩევნო უბნებზე (ზუგდიდი) - როგორც პარლამენტის მაჟორიტარული, ისე გამგებლის არჩევნები.
რაც შეეხება, ამომრჩეველთა რაოდენობას, მარნეულის 48-ე უბანზე რეგისტრირებულია 1436 ამომრჩეველი, ზუგდიდის 38-ე უბანზე 1145 ამომრჩეველი, ზუგდიდის 79-ე უბანზე 925 და ზუგდიდის 108-ე უბანზე 774 ამომრჩეველი.